سولتۇستىك قازاقستان وبلىسىندا ەڭ كوپ جالاقىنى كىمدەر الادى

پەتروپاۆل. قازاقپارات - 2016 -جىلدىڭ 4-توقسانىندا وبلىستاعى ءبىر قىزمەتكەردىڭ ورتاشا ايلىق جالاقىسى 104385 تەڭگەنى قۇراعان، دەپ حابارلايدى «قازاقپارات» ح ا ا ءتىلشىسى ستاتيستيكا دەپارتامەنتىنە سىلتەمە جاساپ.

سالالىق قۇرىلىمداعى ەڭ جوعارى جالاقى قارجى جانە ساقتاندىرۋ قىزمەتىندە بەلگىلەنگەن. ولاردىڭ ەڭبەكاقىسى 203307 تەڭگەنى قۇراپ، ورتاشا وبلىستىق دەڭگەيدەن 1,9 ەسە ارتقان. ودان كەيىن كولىك سالاسىنىڭ قىزمەتكەرلەرى 175565 تەڭگەمەن العا شىعىپ تۇر.

اقپارات جانە بايلانىس سالاسىنىڭ ماماندارى 168082 تەڭگەمەن ءۇشىنشى ورىندى يەلەنگەن. ەڭ تومەنگى جالاقى ونەر، كوڭىل كوتەرۋ جانە دەمالىس سالالارىنىڭ قىزمەتكەرلەرىنە تيەسىلى. ولار ايىنا 75448 تەڭگە ەڭبەكاقى العان، بۇل وبلىس بويىنشا ورتاشا كورسەتكىشتەن %28 عا تومەن. اكىمشىلىك جانە قوسىمشا قىزمەت كورسەتۋ سالاسىنىڭ ماماندارىندا وبلىس بويىنشا ورتاشا كورسەتكىشتەن %23 عا از - 80707 تەڭگە. 2016 -جىلدىڭ 4-توقسانىنداعى اتاۋلى

جالاقى %118,6 دى، ال ناقتى كورسەتكىش - %109,3 دى قۇراعان.