استاناداعى كەزدەسۋدە سيريا بويىنشا بىرلەسكەن جەدەل توپ تۋرالى ەرەجەگە قول قويىلادى
وعان قول قويۋ استاناداعى كەلەسى كەزدەسۋگە جوسپارلانىپ وتىر. رەسەيدىڭ جاڭالىقتار اگەنتتىگىنىڭ حابارلاۋىنشا، بۇل جايىندا رف قارۋلى كۇشتەرى باس شتابى باس جەدەل باسقارماسىنىڭ باستىعى، گەنەرال- لەيتەنانت سەرگەي رۋدسكوي ءمالىم ەتكەن.
«ءىس جۇزىندە رەسەيلىك «سوعىس ءىس-قيمىلدارىن توقتاتۋ رەجىمىن نىعايتۋ جونىندەگى بىرلەسكەن جەدەل توپ تۋرالى ەرەجە» جوباسى تولىقتاي كەلىسىلگەن. استاناداعى كەلەسى كەزدەسۋدە وعان قول قويۋ كوزدەلىپ وتىر»، - دەدى ول.
ونىڭ ايتۋىنشا، بۇعان دەيىن رەسەي مەن تۇركيا ساراپشىلارى ازىرلەگەن قورىتىندى كەلىسىمگە قوسىمشا حاتتامانى كەزدەسۋگە قاتىسۋشى تاراپتىڭ بارلىعى قولداعان. «سونىمەن قاتار رەسەيلىك تاراپ ۇسىنعان «بىتىمگەرشىلىككە كەلگەن اۋداندار (ەلدى مەكەندەر) تۋرالى ەرەجەدە» ماقۇلدانعان بولاتىن. وندا سيريالىق رەسمي بيلىك پەن كوشپەلى كەزەڭدە قارۋلى جاساقتاردىڭ باقىلاۋىندا بولعان ەلدى مەكەندەر اراسىنداعى ءوزارا قارىم- قاتىناس ءتارتىبى ايقىندالعان»، - دەدى رۋدسكوي.
ونىڭ اتاپ وتۋىنشە، بۇل قۇجاتتار سيريا ۇكىمەتى مەن وپپوزيتسيانىڭ كەلىسىمىنە جىبەرىلگەن.
اۆتور: مارلان جيەمباي
