شىمبۇلاقتا رەسەيلىك تورەشىنىڭ قازا بولۋىنىڭ ءمان-جايى انىقتالدى
ق ر ءى ءى م توتەنشە جاعدايلار كوميتەتىنىڭ مالىمەتىنشە، ساعات 14:06 كەزىندە ءبىرىڭعاي ديسپەتچەرلىك قىزمەتىنە شىمبۇلاق قۇتقارۋشىلارىنا سپارتاك الەماسوۆ ەسىمدى ر ف ازاماتى حابارلاسقاندىعى تۋرالى اقپارات كەلىپ ءتۇستى.
ول ءوز سوزىندە تاۋدىڭ باتىس بوكتەرىندە تراسسادان تىس سىرعاناۋ كەزىندە قار كوشكىنى ورىن الىپ، قار قۇرساۋىندا ادام قالعاندىعىن ايتقان. وقيعا ورنىنا شۇعىل تۇردە ۋنيۆەرسيادا نىسانىن كۇزەتۋگە جۇمىلدىرىلعان كۇشتەر باعىتتالدى. جالپى، ق ر ءى ءى م توتەنشە جاعدايلار كوميتەتىنىڭ رەسپۋبليكالىق جەدەل-قۇتقارۋ جاساعىنىڭ 50 گە جۋىق ادامى قار كوشكىنى ورنىنا باردى. «قار كوشكىنى ورىن العان اۋماق بىردەن انىقتالدى. شامالى ۋاقىتتان كەيىن ىزدەستىرۋ شارالارىنا قوسىلعان يتتەردىڭ ءبىرى ناقتى جەردى تاۋىپ بەردى»، - دەدى ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ.
ساعات 15:23 كەزىندە قۇتقارۋشىلار 1986 -جىلى تۋعان بەلوسلۋدسەۆ الەكسەي نيكولايەۆيچ ەسىمدى رەسەي فەدەراتسياسى ازاماتىنىڭ دەنەسىن قار قۇرساۋىنان الىپ شىقتى. ساعات 16:14-تە ىزدەستىرۋ توبىندا بولعان مەديتسينالىق كومەك دارىگەرلەرى رەانيماتسيالىق ارەكەتتەردەن كەيىن سپورتشىنىڭ ولگەندىگىن ناقتىلادى.
اجال قۇشقان ازامات رەسەيلىك كراسنويارسك قالاسىنان فريستايل بويىنشا دەلەگاتسيا قۇرامىندا كەلگەن تەحنيكالىق تورەشى بولعان. «قايعىلى وقيعا ۋنيۆەرسيادانىڭ سپورتتىق تراسساسىنان تىس اۋماقتا سىرعاناۋ سالدارىنان ورىن الدى. كوز جۇمعان ادامنىڭ دوسى ءوز سوزىندە سىرعاناۋ كەزىندە بۇعان دەيىن قارعا ءىز سالىنباعان تاۋ بوكتەرىن ارنايى تاڭداپ وتىرعاندىقتارىن ايتتى. سونىمەن قاتار ولار بۇل اۋماق سىرعاناۋعا تىيىم سالىنعانىن تۇسىنە وتىرىپ، فريرايدپەن اينالىسقان»، - دەدى يمانقۇلوۆ.
«قازسەلدەنقورعاۋ» م م- نىڭ مالىمەتىنشە، كوشكىن قاردىڭ كولەمى 350 تەكشە مەتردى قۇرادى. سونىمەن قاتار ت ج ك ءوز حابارلاماسىندا 2017 -جىلدىڭ 30 -قاڭتارىندا الماتى قالاسىنىڭ توتەنشە جاعدايلار دەپارتامەنتى تۇرعىندارعا قار كوشكىنىنىڭ بولۋى قاۋپى تۋرالى اقپارات تاراتقانىن ەسكە سالىپ ءوتتى.
اۆتور: رۋسلان عابباسوۆ
