مىسىردا الىپ قولتىراۋىننىڭ مۋمياسى تابىلدى
بۇل تۋرالى پروۆينتسيانىڭ ەجەلگى ىستەرى بويىنشا باسقارما باسشىسى ايمان حاندي ايتتى. وسىنداي سيرەك كەزدەسەتىن ولجا ءنىل وزەنىنىڭ شىعىس جاعالاۋىنداعى ناگ-حاممادي اۋدانىنداعى ەكسپەديتسيالىق دالا جۇمىستارى كەزىندە تابىلدى. حامەردۋم تاۋىنىڭ ماڭىنداعى اڭعاردا مىڭداعان جىلدار بۇرىن پەرعاۋىندارعا تۋىس بولىپ كەلەتىن ادامدار مەن تۇلعالاردىڭ، سونىمەن قاتار ەجەلگى ەگيپەتتىڭ باستى قۇدايلارىنىڭ قۇرمەتىنە بىرنەشە عيباداتحانا ورنالاسقان. ناگ- حامماديدەگى قازبا جۇمىستارى بارىسىندا ارحەولوگتار بىرنەشە مۋميالانعان قولتىراۋىنداردى تاپتى. ونىڭ ەكەۋىنىڭ ۇزىندىعى 1,2 مەتردەن اسادى. بۇلار سۋ مەن ءنىل وزەنى تاسقىنىنىڭ قۇدايى بولىپ سانالعان جانە فرەسكالاردا قولتىراۋىننىڭ باسى سەكىلدى بەينەلەنگەن. ەجەلگى مىسىرلىقتاردىڭ سەنىمى بويىنشا، سەبەك قارا كۇشتى ۇركىتىپ ادامداردى قاۋىپ-قاتەردەن قورعاعان.
