قازاقستاندىق وقۋشىلارعا ءۇي تاپسىرماسى قىسقارتىلادى

استانا. قازاقپارات - ق ر ءبىلىم جانە عىلىم ءمينيسترى ەرلان ساعاديەۆ وقۋشىلاردىڭ ءۇي تاپسىرمالارىن قىسقارتۋدى جوسپارلاپ وتىر. بۇل تۋرالى ول بۇگىن ۇكىمەت وتىرىسىنان كەيىن ءمالىم ەتتى، دەپ حابارلايدى قازاقپارات.

«.بىز ەلەكتروندى كۇندەلىكتى، ەلەكتروندى وقۋلىقتى قۇرۋعا، سونداي- اق ەڭ باستىسى - مەكتەپ دالىزدەرىندە وقۋشىلار ءۇشىن جەكە شكافتاردى ورناتۋعا نيەتتىمىز. سونىمەن قاتار بىزدە ءۇي تاپسىرمالارى بويىنشا شەكتەۋ بولادى. بۇگىن نەمەسە ەرتەڭ ءتيىستى حابارلاما جاريالانادى. وسى ورايدا ەكى توپتان قۇرالعان مەكتەپ ديرەكتورلارى، ادىسكەرلەر ءۇي تاپسىرماسىنىڭ كولەمىنە قاتىستى جۇمىستارىمەن اينالىسقان ەدى. ءۇي تاپسىرماسىن شامامەن 40 مينۋت - 1 ساعاتقا قىسقارتۋ تۋرالى ۇسىنىس بار»، - دەدى مينيستر.

 مۇنىمەن قوسا ول كەيبىر پاندەر بويىنشا ءۇي تاپسىرماسى بەرىلمەۋى مۇمكىن ەكەنىن جەتكىزدى.

بۇدان بۇرىن حابارلانعانداي، ۇكىمەت وتىرىسىندا ساعاديەۆ ءاربىر سىنىپتا  Wi-Fi ورناتىلاتىنىن، سونداي- اق ءار وقۋشىنىڭ جەكە شكافى بولاتىنىن ءمالىم ەتكەن ەدى.

اۆتور: رۋسلان عابباسوۆ