ديماش قىتايدا اناسىنىڭ تاماعىن ساعىنىپ جۇرگەنىن ايتتى
«I am Singer» جوباسىندا كوپ تانىس، دوستار تاپتىم! ءاربىر تانىسىمنىڭ ىستىق ىقىلاسى، ماعان دەگەن نيەتى ەرەكشە كوڭىل-كۇي سىيلايدى. قارسىلاسىم بولسا دا قوناقجايلىلىعىن كورسەتىپ، تان تسزين بەيجىڭدەگى ۇيىنە قوناققا شاقىردى. تان تسزين قىتايدىڭ اتاقتى ءانشىسى، كوپتەگەن حالىقارالىق بايقاۋلاردىڭ جەڭىمپازى! اتا-اناسى دا ونەردەن اۋىلى الىس ەمەس. داستارحان بارىسىندا بىرگە ءان شىرقاپ، ادەمى تىلەكتەر ايتىپ، قىزىقتى اڭگىمە- دۇكەن قۇردىق. مەنىڭ حالال تاعام عانا جەيتىنىمدى بىلگەن تان تسزيننىڭ اناسى سيىر ەتىنەن دايىندالعان تۇشپارا دايىندادى. ءتىپتى، ءبىر-ەكەۋىن ءوزىڭ دە ىستەپ كور دەپ ۇسىنىس ءبىلدىردى. ارينە، مەنەن مىقتى اسپاز شىقپاس، ءبىراق قولىمنان كەلگەنشە تىرىستىم! تان تسزيننىڭ وتباسى، اتا-اناسىمەن تانىسقانىما قۋانىشتىمىن، كەرەمەت جاندار! دەسەك تە، ءوز انامنىڭ دايىندايتىن تاماقتارىن ساعىنىپ كەتتىم!..» - دەپ جازدى ديماش ءوزىنىڭ ينستاگرامىندا.
اۆتور: مارلان جيەمباي
