12:44, 07 - اقپان 2017 | GMT +5
قانات بوزىمبايەۆ بەنزين باعاسىنىڭ ءوسۋ سەبەبىن ءتۇسىندىردى
استانا. قازاقپارات - ق ر ەنەرگەتيكا ءمينيسترى قانات بوزىمبايەۆ ەلىمىزدە بەنزين نە سەبەپتى قىمباتتاعانىن ءتۇسىندىردى، دەپ حابارلايدى قازاقپارات.
«سەبەپتەردىڭ ءبىرى - ول رۋبلگە شاققانداعى تەڭگە باعامىنىڭ وزگەرىسى، ياعني ەكى اپتا بۇرىن ورىن العان جاعدايعا بايلانىستى. يمپورتتى بەنزين ساتىپ الىنعان كەزدە، سايكەسىنشە رەسەيلىك بەنزينگە باعا وسكەن بولاتىن. جالپى، وتكەن جىلى تەڭگە باعامى رۋبلگە قاراعاندا 20 پايىزعا السىرەدى. وسى ورايدا رۋبلمەن باعا ايتارلىقتاي كوتەرىلمەيدى، الايدا تەڭگەگە اۋىستىرعاندا، تۇتىنۋشىعا قىمباتتاۋ تۇسەتىنى بايقالادى. اتاپ ايتقاندا، ءبىزدىڭ مۇناي وڭدەۋشى زاۋىتتار جۇمىسىن ىستەپ جاتىر، بۇل رەتتە جوسپار بويىنشا ءجۇرىپ جاتىر. قاجەتتى كولەمدى وندىرۋدە. سوندىقتان جانار-جاعارماي تاپشىلىعى جوق جانە بولمايدى دا»، - دەدى مينيستر ۇكىمەت وتىرىسىنان كەيىن.
بۇدان بۇرىن حابارلانعانداي، قازاقستاندا جوعارى سۇرانىسقا يە اي-92 ماركالى بەنزينىنىڭ باعاسى وسكەن ەدى.
اۆتور: رۋسلان عابباسوۆ
