قازاقستاندىق ءاربىر وقۋشىنىڭ مەكتەپتە جەكە شكافى بولادى

استانا. قازاقپارات - ق ر ءبىلىم جانە عىلىم مينيسترلىگى مەكتەپتەردە ءاربىر وقۋشىنى جەكە شكافتارمەن قامتاماسىز ەتپەك.

بۇل تۋرالى بۇگىن ۇكىمەت وتىرىسىندا اتالعان ۆەدومستۆونىڭ باسشىسى ەرلان ساعاديەۆ ءمالىم ەتتى، دەپ حابارلايدى قازاقپارات.

«وقۋلىقتاردى، اياق كيىم مەن سپورتتىق جابدىقتاردى ساقتاۋ ءۇشىن مەكتەپ وقۋشىسىن جەكە شكافپەن قامتاماسىز ەتۋ الەمدىك تاجىريبە. بۇل جوبانى ءبىز مەكتەپ ديرەكتورلارىمەن، ءورت سوندىرۋشىلەرمەن، سانيتارلىق-ەپيدەميولوگيالىق قاداعالاۋ سالاسىنىڭ وكىلدەرىمەن ۇزاق تالقىلادىق. بۇل باعىتتاعى قادامدار ءوز كەزەگىندە كوپتەگەن پروبلەمانى شەشەدى، ونىڭ ىشىندە وقۋشى ريۋكزاگىنىڭ اۋىرلىعىن جەڭىلدەتەدى. ءاربىر بالادا جەكە شكافى بولۋى ءتيىس»، - دەدى مينيستر.

ونىڭ سوزىنە قاراعاندا، وسى جۇمىستار اعىمداعى جىلى جەرگىلىكتى اتقارۋشى ورگانداردىڭ قارجىسىنا باستاۋىش سىنىپتاردان باستالماق.

اۆتور: رۋسلان عابباسوۆ