داۋرەن ابايەۆ: «سيفرلى قازاقستان» باعدارلاماسىنىڭ جوباسى ۇكىمەتكە ەنگىزىلەدى
بۇل تۋرالى بۇگىن ۇكىمەت وتىرىسىندا ۆەدومستۆو باسشىسى داۋرەن ابايەۆ ءمالىم ەتتى.
ۇكىمەتتىڭ 2017 -جىلدىڭ جارتىجىلدىعىنا ارنالعان جۇمىس جوسپارىن جاساقتاۋ بارىسىندا اقپارات جانە كوممۋنيكاتسيالار مينيسترلىگى الداعى التى ايداعى ءىس- قيمىلدىڭ باسىم باعىتتارىن اتادى.
«ءبىز بيىلعى جىلدىڭ ماۋسىم ايىندا «سيفرلى قازاقستان» مەملەكەتتىك باعدارلاماسىنىڭ جوباسىن ۇكىمەتكە ەنگىزۋدى جوسپارلاپ وتىرمىز. تۇتاستاي العاندا، باعدارلامانىڭ باستى ماقساتى - قازاقستاندىقتاردىڭ ءومىر ساپاسىن ارتتىرۋ ءارى ۇلتتىق ەكونوميكانى سيفرلاندىرۋ. قۇجاتتى جۇزەگە اسىرۋ شەڭبەرىندە 2020 -جىلعا دەيىن ينتەرنەت قولدانۋشىلاردىڭ سانىن 80 پايىزعا دەيىن ارتتىرۋ، تۇرعىنداردىڭ 95 پايىزىن سيفرلىق حابار تاراتۋمەن قامتۋ، ازاماتتاردىڭ سيفرلىق ساۋاتتىلىعىن 80 پايىزعا دەيىن ارتتىرۋ كوزدەلۋدە»، - دەدى مينيستر ۇكىمەت وتىرىسىندا.
ايتا كەتەيىك، ق ر پرەزيدەنتى ءوزىنىڭ بيىلعى جولداۋىندا ۇكىمەتكە «سيفرلى قازاقستان» باعدارلاماسىن جۇزەگە اسىرۋدى تاپسىرعان بولاتىن.
