11:27, 07 - اقپان 2017 | GMT +5
مۇحامەدي ۇلى تەاترلار مەن مۋزەيلەردى تەگىن ەتۋدى جوسپارلاۋدا
استانا. قازاقپارات - ق ر مادەنيەت جانە سپورت ءمينيسترى ارىستانبەك مۇحامەدي ۇلى مادەنيەت نىساندارىنىڭ قولجەتىمدىلىگىن ارتتىرۋدىڭ ءادىسىن ۇكىمەتكە ۇسىندى، دەپ حابارلايدى قازاقپارات.
ءمينيستردىڭ سوزىنشە، ءار ايدا ءبىر مارتە مۋزەيلەر، جىلىنا ءتورت رەت تەاترلار حالىق ءۇشىن تەگىن بولادى.
«حالىقتىڭ مادەنيەت نىساندارىنا قولجەتىمدىلىگىنىڭ تاجىريبەسىن ەنگىزۋ. ءار ايدىڭ ءۇشىنشى جەكسەنبىسىندە مۋزەيلەرگە جانە جىلىنا ءتورت رەت تەاترلارعا، ولار: دۇنيەجۇزىلىك تەاتر كۇنى، 27 - ناۋرىزدا، بالالاردى قورعاۋ كۇنى، تاۋەلسىزدىك كۇنىندە تەگىن بارۋدى قامتاماسىز ەتۋ ۇسىنىلادى. سونداي- اق مەكتەپ دەمالىستارى شەڭبەرىندە وقۋشىلار ءۇشىن تەاترلار مەن مۋزەيلەرگە تەگىن بارۋ ۇسىنىلادى. ناتيجەسىندە جىلدىڭ اياعىنا دەيىن اتالعان مادەنيەت نىساندارىنا بارۋ كورسەتكىشى 45 پايىزعا دەيىن جەتەتىن بولادى»، - دەپ اتاپ ءوتتى مينيستر ۇكىمەت وتىرىسىندا.
اۆتور: جاسۇلان جولدىبايەۆ
