ترامپ ناتو ەلدەرى باسشىلارىنىڭ سامميتىنە قاتىسادى
بۇل تۋرالى اق ءۇيدىڭ باسپا ءسوز قىزمەتى دونالد ترامپ ناتو باس حاتشىسى يەنس ستولتەنبەرگپەن تەلەفونمەن سويلەسكەن سوڭ حابارلادى.
ترامپ سايلاۋالدى كامپانياسىندا بىرنەشە رەت ناتو- نى «كۇشىن جويعان ەسكىرگەن ۇيىم» دەپ اتاپ، ا ق ش- تىڭ بۇل ۇيىمداعى وداقتاستارىن «وزدەرىنىڭ قارجىلىق مىندەتتەرىن ورىنداماي وتىر» دەپ ايىپتاعان. قازىر ا ق ش- تىڭ ناتو بيۋدجەتىندەگى ۇلەسى 70 پايىزدى قۇرايدى.
ترامپ پەن ستولتەنبەرگ «ناتو- داعى وداقتاس ەلدەردى اليانستىڭ قورعانىس شىعىندارىنا قاتىستى مىندەتتەرىن ورىنداتۋعا قالاي ىنتالاندىرۋ» جايىن تالقىلاعان. ا ق ش پرەزيدەنتى ناتو باس حاتشىسىن ۆاشينگتوننىڭ سولتۇستىك اتلانتيكالىق اليانستى «بەلسەندى قولدايتىنىنا» سەندىرگەن.
ترامپ پەن ستولتەنبەرگ اڭگىمە كەزىندە ۋكراينا مەن رەسەي شەكاراسىنداعى قاقتىعىستى بەيبىت رەتتەۋ مۇمكىندىكتەرىن دە تالقىلاعان. ۋكراينا شىعىسىنداعى جاعداي قاڭتاردىڭ سوڭىنان باستاپ قايتا شيەلەنىسكەن. كيەۆ پەن رەسەيشىل سەپاراتيستەر ءبىرىنشى بولىپ وق اتتى دەپ ءبىر- ءبىرىن ايىپتاپ جاتىر.
«ازاتتىق» جاڭالىقتارى
