بايان ەسەنتايەۆانىڭ بۇرىنعى كۇيەۋى تۇرمەگە ءتۇستى

استانا. قازاقپارات - باقىتبەك ەسەنتايەۆ الماتى وبلىسىنىڭ زارەچنىي اۋىلىنداعى قاتاڭ تارتىپتەگى كولونياسىنا جەتكىزىلدى.

2016-جىلدىڭ 3- قاراشاسى كۇنى سوت تانىمال قازاقستاندىق پروديۋسەر بايان ماقسات قىزىنىڭ بۇرىنعى كۇيەۋىن 9 جىلعا باس بوستاندىعىنان ايىردى. باقىتبەك ەسەنتايەۆ باياننىڭ باس بوستاندىعىنان ايىرۋ تۋرالى جازا قولدانباۋ جونىندەگى وتىنىشىنە قاراماستان سوت شەشىمىمەن ناقتى مەرزىمگە قاماۋعا الىندى.

«باقىتبەك ەسەنتايەۆتى الماتى وبلىسىنىڭ زارەچنىي اۋىلىنداعى قاتاڭ تارتىپتەگى لا-155/8 كولونياسىنا جىبەردى. بۇعان دەيىن ەسەنتايەۆ الماتى قالاسىنىڭ تەرگەۋ يزولياتورىندا وتىرعان بولاتىن»، - دەپ حابارلادى الماتى وبلىستىق سوتىنىڭ باسپا ءسوز قىزمەتى.

ايتا كەتەيىك، 10- ماۋسىم كۇنى ابدەن سوققىعا جىعىلىپ، پىشاقتان دەنە جاراقاتىن العان تانىمال پروديۋسەر بايان ەسەنتايەۆا اۋرۋحاناعا جەتكىزىلگەن بولاتىن.