توقايەۆ چەحيامەن زاڭنامالىق تاجىريبەنى جەتىلدىرۋگە نيەتىن ءبىلدىردى
ق. توقايەۆ بۇل ساپار قازاقستان مەن چەحيا پارلامەنتتەرى اراسىنداعى بەلسەندى قاتىناستاردىڭ كورىنىسى ەكەنىن اتاپ ءوتتى.
بۇعان دەيىن ەكى ەلدىڭ سەناتورلارى اراسىندا ەكىجاقتى جەمىستى ساپارلار بولعان ەدى. ءتوراعانىڭ پىكىرىنشە، ەكى ەل اراسىنداعى زاڭنامالىق تاجىريبەنى جەتىلدىرۋگە، ءارى دوستىق قارىم-قاتىناستاردى دامىتۋعا پارلامەنتتەر اراسىنداعى ديالوگتى جالعاستىرۋ قاجەت. ق. توقايەۆ الداعى كونستيتۋتسيالىق رەفورما تۋرالى جانە مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنىڭ ماڭىزدى اسپەكتىلەرى جونىندە كەڭىنەن حاباردار ەتتى.
«مەملەكەت باسشىسى نۇرسۇلتان نازاربايەۆتىڭ جاڭا ساياسي باستاماسىنىڭ نەگىزى - مەملەكەتتىك باسقارۋدا پرەزيدەنتتىك سيپات ساقتالا وتىرىپ، ەلدە جۇرگىزىلىپ جاتقان رەفورمالاردىڭ جاي-كۇيىنە پارلامەنت پەن ۇكىمەتتىڭ جاۋاپكەرشىلىگىن كۇشەيتۋ بولىپ وتىر»، - دەپ اتاپ ءوتتى ق. توقايەۆ.
اۆتور: سەرىك قاراجان
