22:05, 06 - اقپان 2017 | GMT +6
ا ق ش-تىڭ بۇرىنعى شەنەۋنىكتەر توبى ترامپتىڭ جارلىعىنا قارسى شاعىمدى قولدادى
استانا. قازاقپارات - امەريكالىق جوعارى قىزمەتتەگى بۇرىنعى شەنەۋنىكتەر توبى، سونىڭ ىشىندە ا ق ش- تىڭ بۇرىنعى مەملەكەتتىك حاتشىسى دجون كەرري مەن مادلەن ولبرايت ا ق ش- تىڭ پرەزيدەنتى دونالد ترامپتىڭ يمميگراتسيالىق جارلىعىنا قارسى شاعىمدى قولداۋ ماقساتىندا ساراپتاما قورىتىندىسىن اپپەلياتسيالىق سوتقا بەردى، دەپ حابارلايدى NBC News تەلەارناسى.
سەنبى كۇنى بەلگىلى بولعانداي، سيەتلدەگى فەدەرالدىق سوت تىيىم سالعاننان كەيىن، ا ق ش- تىڭ ىشكى قاۋىپسىزدىك مينيسترلىگى ترامپتىڭ يمميگراتسيالىق جارلىعىن جۇزەگە اسىرۋ بويىنشا بارلىق ارەكەتتى توقتاتتى. ا ق ش- تىڭ ادىلەت مينيسترلىگى سەنبى كۇنى سيەتلدەگى سوتتىڭ شەشىمىن اپەللياتسياعا بەردى، كەيىننەن ا ق ش- تىڭ توعىزىنشى وكرۋگىنىڭ اپەللياتسيالىق سوتى بۇل شاعىمدى قابىلدامادى.
