مال ۇرلاپ ءتورت رەت سىتىلىپ كەتكەن بارىمتاشىلار بەسىنشىسىندە قولعا ءتۇستى - قىزىلوردا وبلىسى
بۇل تۋرالى قازاقپارات ح ا ا ءتىلشىسى حابارلادى. اعىمداعى جىلدىڭ 19 نان 20 نا قاراعان ءتۇنى جالاعاش اۋدانى تۇرعىنىنىڭ مال قوراسىنداعى تورى ءتۇستى جىلقىسى ۇرلانىپ، جالپى قۇنى 120000 تەڭگەنى قۇرايتىن شىعىن كەلتىرىلگەن.
جەدەل- تەرگەۋ توبى قۇرىلىپ، ناتيجەسىندە 1991 -جىلى تۋىلعان قىزىلوردا قالاسىنىڭ 2 تۇرعىنى ۇستالدى. ولاردىڭ باسقا دا قىلمىستارعا قاتىستىلىعىن انىقتاۋ بارىسىندا جۇمىستار جۇرگىزىلىپ، ناتيجەسىندە بۇدان بولەك 4 مال ۇرلىعى قىلمىسىن جاساپ، 12 باس قوي ۇرلاعاندارى بەلگىلى بولدى. اتالعان دەرەك بويىنشا قازاقستان رەسپۋبليكاسىنىڭ قىلمىستىق كودەكسىنىڭ 188-بابى 2-بولىگى نەگىزىندە سوتقا دەيىنگى تەرگەپ-تەكسەرۋ امالدارى جۇرگىزىلۋدە. 
ۇستالعان ازاماتتار وزدەرىنىڭ كىنالارىن مويىنداپ، جابىرلەنۋشىلەرگە كەلتىرگەن ماتەريالدىق شىعىندارىن تولىق مولشەردە وتەگەن.
اۆتور: ەلۋباي اۋەزوۆ
