ديماش قۇدايبەرگەن قىتايدا اتاقتى اكتەر شىڭ لۇڭعا شاپان كيگىزىپ، دومبىرا سىيعا تارتتى - فوتو
بۇل تۋرالى ءانشى Instagram جەلىسىندە حابارلادى.
«بۇگىن مەنىڭ ومىرىمدە تاريحي ەستە قالاتىن ەرەكشە كۇن! اتاقتى اكتەر دجەكي چان مىرزا مەنى تەلەديداردان كورىپ، كەزدەسۋگە شاقىردى! كەزدەسۋدە اكتەر ماعان ءوزىنىڭ ەكسكليۋزيۆتى كۇرتەشەسىن جانە ارنايى فيرمالىق ءان تىڭداۋ قۇرىلعىسىن سىيعا تارتتى! ال مەن اكتەرگە قازاقتىڭ شاپانىن جاۋىپ، دومبىرانى سىيعا تارتتىم! دومبىرامەن ءبىر كۇي شەرتىپ بەرۋىمدى وتىنگەن دجەكي چانعا نۇرعيسانىڭ «ءالقيساسىنان» شاشۋ شاشتىم!»، - دەپ جازدى ءانشى.
سونىمەن قاتار، ول ءوز كەزەگىندە اكتەردىڭ سوڭعى Kung Fu Yoga كينوكارتيناسىنداعى ءبي قيمىلدارىن ۇيرەتكەنىن ايتتى. ايتۋىنشا، بالا كەزىنەن بەرى كەلە جاتقان سۇيىكتى اكتەرى وعان ءوز اقىل كەڭەستەرىن بەرىپ، شىعارماشىلىعىن باقىلايتىنىن جەتكىزگەن.
«ءسوز سوڭىندا، بارشا قازاقستان حالقىن جاڭا جىل مەرەكەسىمەن قۇتتىقتاپ، ادەمى لەبىز- تىلەگىن ءبىلدىردى! كەلەسى كەزدەسۋدى اسىعا كۇتەمىز! ارماندار ورىندالادى!»، - دەپ جازدى ديماش قۇدايبەرگەن.
ال ديماش قۇدايبەرگەنوۆتىڭ PR- مەنەدجەرى الپامىس شاريموۆ ءالى دە ەكسكليۋزيۆ جاڭالىق بولاتىنىن ايتادى.
«بۇل سۋرەتتىڭ استىنا نە جازارىمدى دا بىلمەي وتىرمىن. «بالالىق ارمانىم ورىندالدى» دەيىن دەسەم جەڭىلدەۋ بولادى، "يا ۆ شوكە" دەسەم شوكتان تا دا بيىك بىردەمە... دجەكيدىڭ جاي عانا ءبىر رەت بىزبەن كەزدەسىپ ەمەس، ءارى قاراي دوستىق قارىم- قاتىناستا بولاتىنىن ايتقىم كەلەدى! ۇلى اكتەر - ۇلى تۇلعا! ءوز ەڭبەگىمەن الەمگە تانىلعان جان! ناعىز ونەر ادامى! تاريح!.. ەي قويشى، نە دەسەڭدەر دە بۇگىن تەلەفونىم ءسوندىرۋلى! دجەكي چانمەن تانىستىم بۇگىن! ەحەۋۋۋۋ!!! بۇل تەك باستاماسى عانا.. . الداعى جاڭالىقتارعا دايىن بولىڭىزدار!!! جۋىردا ەكسكليۋزيۆتى ۆيدەوروليكتەر كۇتىڭىزدەر!!!"، - دەپ جازدى شاريموۆ ءوز پاراقشاسىندا ايگىلى اكتەرمەن تۇسكەن سۋرەتىن جاريالاپ.
ەسكە سالايىق، ديماش قۇدايبەرگەن ءۇشىنشى كەزەڭدە اتى اڭىزعا اينالعان Queen توبىنىڭ The Show Must Go On ءانىن ورىنداعان ەدى. ال ەكىنشى كەزەڭدە قۇدايبەرگەن ەسەيلىك اتاقتى ۆيتاستىڭ "وپەرا 2" اتتى تۋىندىسىن ورىنداعان ەدى. ۆيدەونى مىنا جەردەن كورۋگە بولادى. ال ءبىرىنشى كەزەڭدە ول فرانسۋز تىلىندە SOS d'un terrien en détresse ءانىن ورىنداپ، جەڭىمپاز اتانعان ەدى.
Kaz.tengrinews.kz
