قىتايدا كەزدەيسوق ەجەلگى قولتىراۋىنداردىڭ سۇيەكتەرى تابىلدى

استانا. قازاقپارات - شيان قالاسىنا جاقىن ماڭدا، قىتايدىڭ سولتۇستىك- باتىسىنداعى شانشي پروۆينسياسىنىڭ اكىمشىلىك ورتالىعىندا جەرگىلىكتى ارحەولوگتار كەزدەيسوق ءۇش مىڭ جىل بۇرىن ءومىر سۇرگەن ەجەلگى قولتىراۋىنداردىڭ سۇيەكتەرىن تاپتى.

بۇل قالدىقتار جەر استى ۇڭگىرىنەن تابىلدى. ەكسپەديتسيا باسشىسى يۋەا ليانجياڭنىڭ سوزىنە قاراعاندا، رەپتيليالار بۇل وڭىردە باتىس جوۋ اۋلەتىنىڭ داۋىرىندە مەكەندەگەن (جوۋ اۋلەتى 11 -عاسىردان ءبىزدىڭ زامانىمىزدىڭ 771 -جىلعا دەيىن ەل بيلەگەن). بۇدان بولەك، ارحەولوگتار ەجەلگى 10 زيراتتى، بىرنەشە قۇرعاپ قالعان قۇدىقتى، عيماراتتاردىڭ ءۇيىندىسىن، ەكى قىش پەشىن جانە قولادان، تاستان، سۇيەكتەن جانە كەراميكادان جاسالعان كوپتەگەن بۇيىمدارى بار 100 دەن استام جەراستى قۋىسىن تاپتى، دەپ حابارلايدى China Daily.