قازاق ۇلتتىق ونەر ۋنيۆەرسيتەتىنىڭ رەكتورى ستۋدەنتتەرىنە ديماشتان ۇلگى الۋعا كەڭەس بەردى
«بۇگىندە ءبىزدىڭ ستۋدەنتتەر الەمدىك ساحنالاردا ونەر كورسەتىپ جۇرگەنى بارشاڭىزعا ايان. وسى ورايدا ەلىمىزدىڭ اتىنان ونەرىن پاش ەتكەن ديماش قۇدايبەرگەنوۆ ەرەكشە قوشەمەتكە يە. سونىمەن قاتار ول ءبىزدىڭ ۋنيۆەرسيتەتتىڭ ستۋدەنتى بولعاندىقتان، ءبىزدىڭ ماقتانىشىمىز. ديماش ءۇشىن كۇندە الاڭداپ وتىرامىز. تۇستەن كەيىن ونىمەن تەلەفون ارقىلى سويلەسىپ، دايىندىق بارىسىنداعى جەتىستىكتەرىن سۇرادىم. ول ءوز كەزەگىندە دايىندىق شارالارى وتە قيىن ەكەنىن اتاپ ءوتتى»، - دەدى ا. مۇساقوجايەۆا ۋنيۆەرسيتەت ستۋدەنتتەرىمەن كەزدەسۋ بارىسىندا.
وسى ورايدا ۋنيۆەرسيتەت رەكتورى ستۋدەنتتەرگە اعىلشىن ءتىلىن جەتىك مەڭگەرۋ كەرەكتىگىن جەتكىزدى. «مەن كەزىندە ديماشقا اعىلشىن ءتىلىن تولىق مەڭگەرىپ شىق دەپ بىرنەشە رەت ايتقان بولاتىنمىن. وسىنداي ۇلكەن بايقاۋلاردا ءتىلدى بىلگەن ارتىق ەمەس. مەنىڭ ويىمشا، ول سىزدەر ۇلگى الاتىنداي وتە دارىندى جاس ءانشى. سوندىقتان ونەردە ءوز ورىندارىڭىز ءۇشىن كۇرەسۋدە ديماشتان ۇيرەنەتىن تۇستارىڭىز بارشىلىق»، - دەدى مۇساقوجايەۆا.
اۆتور: رۋسلان عابباسوۆ
