جۇمىسشىلار ەڭ تومەنگى كۇنكورىس دەڭگەيىنىڭ زامان تالابىنا ساي ەمەس ەكەنىن انىقتادى
«بۇگىندە كوپتەگەن الەۋمەتتىك ماڭىزى بار تولەمدەردى ەسەپتەۋ كەزىندە حالىقتىڭ ەڭ تومەنگى كۇنكورىس دەڭگەيىنىڭ كولەمى ەسكەرىلەدى. اتالعان كورسەتكىش سوڭعى جەتى جىلدا قايتا قارالعان جوق. مەملەكەت باسشىسىنىڭ ايتۋىنشا، 2018 -جىلدا ونى تاعى قاراستىراتىن بولادى. ءبىز، كاسىپوداقتار وسى پروبلەمانى سوڭعى ءبىر جارىم جىل بويى زەردەلەپ كەلەمىز. وسىعان بايلانىستى قازاقستاننىڭ بارلىق وبلىستارىندا ساۋالناما جۇرگىزىپ، 1500 دەن استام انكەتانى جيناپ الدىق. وسى انكەتالاردى زەردەلەۋ كەزىندە قازىرگى ەڭ تومەنگى كۇنكورىس دەڭگەيىنىڭ زامان تالابىنا ساي ەمەس ەكەنىنە كوز جەتكىزدىك. سۇرانىس تا باسقا، جاعداي دا وزگەردى. جاقىن ارادا ءبىز ءوزىمىز انىقتاعان كۇنكورىس دەڭگەيىن ۇكىمەتتىڭ قاراۋىنا ۇسىناتىن بولامىز»، - دەدى ق ر كاسىپوداقتار فەدەراتسياسىنىڭ ءتوراعاسى ءابىلعازى قۇسايىنوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
فەدەراتسيا باسشىسى جۇمىسشىلاردىڭ ەسەپتەپ شىعارعان ەڭ تومەنگى كۇنكورىس دەڭگەيىنىڭ كولەمىن جاريالاعان جوق. ونىڭ ايتۋىنشا، بارلىق ەسەپتەر اياقتالعاننان كەيىن الدىمەن ول اقپارات ۇكىمەتكە جولدانادى. «شامامەن، ءبىرىنشى جارتىجىلدىقتا ءبىز وسى جۇمىستى اياقتايتىن بولامىز»، - دەپ اتاپ كورسەتتى فەدەراتسيا باسشىسى.
اۆتور: ارمان اسقاروۆ
