بەرليندە قازاقستانداعى ساياسي رەفورمالار تالقىلاندى
گ ف ر- دەگى ق ر ەلشىسى بولات ءنۇسىپوۆ ءوز سوزىندە قازاقستان 25 جىل ىشىندە تاۋەلسىزدىكتى الۋ ساتىنەن نىق ەكونوميكانى، تۇراقتى ساياسي جۇيەنى جانە وركەندەۋشى قوعامدى قۇرعانىن اتاپ ءوتتى، بۇل مەملەكەتكە ساياسي جۇيەنىڭ رەمورمالانۋىنا كوشۋگە مۇمكىندىك بەرەدى.
قازاقستاندىق ديپلومات كونستيتۋتسيالىق رەفورمانى ەنگىزۋ جولىمەن بيلىكتىڭ قايتا ءبولىنۋى قازاقستاننىڭ دەموكراتيالىق دامۋىن تەزدەتۋگە باعىتتالعانىن ايتتى.
«100 ناقتى قادام» ۇلت جوسپارىن ىسكە اسىرۋدىڭ كەلەسى كەزەڭى بولىپ تابىلاتىن مەملەكەت باسشىسىنىڭ قاڭتارداعى جولداۋىنىڭ نەگىزگى ەرەجەلەرىنە اسا نازار اۋدارىلدى. باسپا ءسوز ءماسليحاتى قاتىسۋشىلارىنىڭ جالپى پىكىرلەرىنشە، قازاقستان پرەزيدەنتى نۇرسۇلتان نازاربايەۆتىڭ بيلىك تارماقتارى اراسىنداعى وكىلەتتىلىكتى قايتا ءبولۋ سۇراقتارى بويىنشا ۇندەۋ دەموكراتيالىق پروتسەستى نىعايتۋداعى ماڭىزدى قادام بولىپ تابىلادى.
ولاردىڭ پىكىرلەرى بويىنشا، اتالعان باستامالار وتە ۋاقتىلى جانە مەملەكەتتىڭ ودان ءارى ەكونوميكالىق دامۋى مەن حالىقتىڭ ءال-اۋقاتىنىڭ ءوسۋىن قامتاماسىز ەتۋ ءۇشىن ماڭىزدى. باسپا ءسوز ءماسليحاتىنىڭ سوڭىندا قازاقستان ەلشىسى ولاردىڭ 25 جىلدىق ەكى جاقتى قازاقستاندىق-گەرمانيالىق قاتىناستاردىڭ وزەكتى اسپەكتىلەرىنە قاتىستى نەمىس اۋديتورياسىن قىزىقتىراتىن سۇراقتارعا جاۋاپ بەردى، سونىمەن بىرگە ولاردى ب ۇ ۇ ق ك تۇراقسىز مۇشەسى ورنىنا ق ر قىزمەت باسىمدىقتارى، استاناداعى «ەكسپو-2017» حالىقارالىق كورمەسى سياقتى جانە وزگە ماڭىزدى حالىقارالىق باستامالار قاتارىمەن تانىستىردى.
