استانادا سيرياداعى احۋالدى رەتتەۋگە ارنالعان حالىقارالىق كەزدەسۋ وتىپ جاتىر - فوتو

استانا. قازاقپارات - استانادا سيرياداعى احۋالدى رەتتەۋگە بايلانىستى حالىقارالىق كەزدەسۋ ءوتىپ جاتىر.

بۇل تۋرالى ق ر سىرتقى ىستەر مينيسترلىگىنىڭ باسپا ءسوز حاتشىسى ءانۋار جايناقوۆ ءمالىم ەتتى، دەپ حابارلايدى قازاقپارات.

«استانادا سيريالىق جاعدايدى رەتتەۋ بويىنشا رەسەيدەن، يراننان كەلگەن ساراپشىلاردىڭ، سونداي-اق ب ۇ ۇ وكىلدەرىنىڭ قاتىسۋىمەن ءۇش جاقتى حالىقارالىق كەزدەسۋ ءوتىپ جاتىر.

مۇنىمەن قوسا، يوردانيا وكىلدەرىنىڭ دە قاتىسۋى كۇتىلۋدە. كۇن تارتىبىنە جاۋىنگەرلىك ءىس-قيمىلداردى توقتاتۋ تۋرالى رەجىمدى ساقتاۋ، وق اتۋدى دوعارۋ ۋاعدالاستىعىن بەكىتۋ جونىندەگى قارۋلانعان سيريالىق وپپوزيتسيانىڭ ۇسىنىسىن تالقىلاۋ، اسكەري ءىس-قيمىلداردى توقتاتۋ رەجىمىن قولدانۋدىڭ ناقتى پارامەترلەرىن ايقىنداۋ تاقىرىپتارىن تالقىلاۋ ەنگىزىلگەن»، - دەدى جايناقوۆ.

بۇل تۇرعىدا اعىمداعى جىلدىڭ 23-24- قاڭتارىندا استاناداعى كەلىسسوزدەردە قول جەتكىزىلگەن كەلىسىمدە ەسكەرىلگەن قادامدار قامتىلعان، ياعني وق اتۋدى توقتاتۋ رەجىمىنە ءۇش جاقتى باقىلاۋدى قۇرۋ ماسەلەسى قاراستىرىلادى.







ونىڭ سوزىنە قاراعاندا، حالىقارالىق كەزدەسۋ ناتيجەسى بويىنشا ارنايى بريفينگ وتكىزۋ جوسپارلانىپ وتىر.