بۇگىن استانادا «قازاق ارۋى» بايقاۋىنىڭ كاستينگى وتەدى

استانا. قازاقپارات - بۇگىن، 6- اقپان كۇنى، استانالىق ارۋلار «قازاق ارۋى» بايقاۋىنىڭ ىرىكتەۋىنە قاتىسا الادى، دەپ حابارلايدى قازاقپارات ءتىلشىسى.

«استانا، بۇگىن كاستينگ. جالپى تالاپتار - قازاق ءتىلىن جەتىك مەڭگەرۋ، سۇلۋ، اقىلدى جانە تالانتتى بولۋ، بويى 170 سانتيمەتردەن جوعارى، سالماعى - 53 كەلىدەن ارتىق بولماۋ كەرەك، 16-22 جاس ارالىعىنداعى قىزدار باق سىناي الادى»، - دەپ حابارلادى «كەشيۋ» توبىنىڭ رەسمي اككاۋنتى (بايان ماقسات قىزى پروديۋسەرلىك ەتەدى).

كاستينگ استانادا 6- اقپان كۇنى,12:00-18:00 ارالىعىندا وتەدى. سۇلۋلىق بايقاۋى وسىمەن جەتىنشى رەت وتەدى. ونىڭ ۇشەۋى استانادا وتكىزىلگەن. ەسكە سالا كەتسەك، «قازاق ارۋى-2016» 16- ناۋرىزدا ءوتتى. وندا اتىراۋ وبلىسىنىڭ تۋماسى الميرا احاتوۆا جەڭىمپاز اتاندى.