ديماش قۇدايبەرگەنوۆ ءتورتىنشى كەزەڭدە قىتايشا ءان ورىندايدى
دەپ حابارلايدى قازاقپارات ءتىلشىسى.
قىتاي بۇقارالىق اقپارات قۇرالدارىنىڭ حابارلاۋىنشا، ءتورتىنشى كەزەڭنىڭ ءتۇسىرىلىم جۇمىستارى 2 - اقپان كۇنى اياقتالعان. باستاپقى ءۇش كەزەڭدە جالپى ەسەپتە ءبىرىنشى ورىننان كورىنگەن جەرلەسىمىز ءتورتىنشى كەزەڭدە دە ۇزدىكتەر قاتارىنان كورىنۋ ءۇشىن قىتايشا ءان شىرقاپ كورۋدى ۇيعارعان.
ديماش گونكونگتىق دجەكي چۋن حوك- ياۋدىڭ (张学友) رەپەرتۋارىنان «قوڭىر كۇز» (秋浓意) ءانىن ورىندايدى. دجەكي - قىتاي ەستراداسىنىڭ جارىق جۇلدىزى. 90 -جىلدارى جەكە البومىنىڭ ساتىلىمى بويىنشا مايكل دجەكسوننان كەيىنگى ەكىنشى ورىندى يەلەنگەن. 2000 -جىلى جەكە البومىنىڭ ساتىلىمى 60 مىڭ دانادان اسىپ، الەمنىڭ كوپتەگەن ەلدەرىندە جەكە كونسەرتتەر بەرگەن.
«قوڭىر كۇز» (秋浓意) ءانى 1993 -جىلى العاش رەت ورىندالدى. كەيىن جاپون، كورەي تىلدەرىنە اۋدارىلعان.
ەسكە سالا كەتەيىك، ديماش قۇدايبەرگەنوۆ بايقاۋعا قاتىساردان بۇرىن قىتايدىڭ اتاقتى ءانشى - كومپوزيتورى حان حۋننىڭ «تاڭ اتتى» ءانىن ورىنداعان بولاتىن.
اۆتور: مۇحتار قاليموللا ۇلى
