قىرعىزستاندا پرەزيدەنتتىك سايلاۋعا تۇسەتىن العاشقى ۇمىتكەر انىقتالدى

استانا. قازاقپارات - بۇرىنعى پرەمەر-مينيستر تەمىر ساريەۆ قىرعىزستاننىڭ پرەزيدەنتتىك سايلاۋىنا تۇسەدى.

 

بۇل تۋرالى بىشكەكتە «اك شۋمكار» پارتياسىنىڭ كونفەرەنتسياسىندا بەلگىلى بولدى.

centralasian.org-تىڭ حابارلاۋىنشا، ساريەۆ ەلدىڭ دامۋ باعدارلاماسىن دايىنداپ شىققانىن مالىمدەدى. ول قىرعىزستان ەكونوميكاسىن دامىتۋ مەن زاڭدى ساقتاۋعا باعىتتالعان.

ۇكىمەتتىڭ بۇرىنعى باسشىسى تازا ءارى ءادىل سايلاۋ وتكىزۋ ءۇشىن باقىلاۋدى كۇشەيتۋ قاجەتتىگىن ايتتى. كونفەرەنتسيا ناتيجەسى بويىنشا تەمىر ساريەۆتى بيىل كۇزدە وتەتىن پرەزيدەنتتىك سايلاۋعا ۇسىنۋ تۋرالى قارار قابىلداندى.

54 جاستاعى تەمىر ساريەۆ بۇعان دەيىن جوعارعى كەڭەس دەپۋتاتى بولعان، بۇرىنعى ۋاقىتشا ۇكىمەت مۇشەلەرىنىڭ ءبىرى. 2011-جىلى قىرعىزستاننىڭ ەكونوميكا مينيسترلىگىن باسقاردى. 2015-جىلى ساريەۆ ەلدىڭ پرەمەر-ءمينيسترى بولىپ تاعايىندالدى، ءبىراق، ءبىر جىلدان سوڭ ول بالىكچى-كورۋمدۋ جول قۇرىلىسى توڭىرەگىندەگى جانجالدان سوڭ مينيسترلەر كەڭسەسىنەن كەتتى.

Baq.kz