09:55, 06 - اقپان 2017 | GMT +6
ترامپ ا ق ش- تىڭ كۋباعا قاتىستى ساياساتىن قايتا قاراماقشى
استانا. قازاقپارات - دونالد ترامپ اكىمشىلىگى ا ق ش- تىڭ كۋباعا قاتىستى ساياساتىن قايتا قارايتىن بولدى. بۇل تۋرالى اق ءۇي باسپا ءسوز حاتشىسى شون سپايسەر ءمالىم ەتتى،
دەپ حابارلايدى حابار 24 تەلەارناسى.
ونىڭ ايتۋىنشا، پرەزيدەنت ترامپ ءۇشىن الەمدە ادام قۇقىعىن قورعاۋ ماسەلەسى ماڭىزدى بولىپ سانالادى. «سوندىقتان جاڭا اكىمشىلىك كۋبامەن قارىم- قاتىناس جاساۋ بارىسىندا بۇل ماسەلە الدىڭعى قاتارعا شىعادى»، - دەيدى ول.
ەستەرىڭىزگە سالا كەتەيىك قۇراما شتتاردىڭ بۇرىنعى پرەزيدەنتى باراك وباما 2014 -جىلدان باستاپ ارالدا مەملەكەتپەن قاتىناستى جاقسارتۋدى قولعا العان. 2015 -جىلى ۆاشينگتون مەن گاۆانا ەلشىلىگىن اشادى.
سونداي- اق ءبىرقاتار شەكتەۋ الىنىپ، امەريكالىق كاسىپكەرلەرگە بيزنەسپەن اينالىسۋعا، رۇقسات ەتىلەدى. ءبىراق كۋباعا سالىنعان ەمبارگو تولىق الىنباعان بولاتىن. ونى تەك كونگرەسس الىپ تاستاي الادى.
