ۋنيۆەرسيادا: قازاقستان حوككەيشىلەرى جارتىلاي فينالعا ءوتتى
ويىن الماتىدا «حالىق ارەنا» مۇز ايدىنىندا ءوتتى جانە 4:0 ەسەبىمەن اياقتالدى. ەسەپ كەزدەسۋدىڭ 11-مينۋتىندا اشىلدى، شايبانى ءوز ەنشىسىنە قازاقستان قۇراماسىنىڭ كاپيتانى كونستانتين ساۆەنكوۆ جازدى.
وسىدان سوڭ، مۇز يەلەرى ويىندا باسىمدىق تانىتىپ، شۆەدتەردىڭ قاقپاسىنا شابۋىلداردى تولاستاتقان جوق. دەگەنمەن ەكىنشى گول تەك ءۇشىنشى كەزەڭدە سالىندى. ويىننىڭ 43-مينۋتىندا كوپشىلىكتە كيريلل ساۆيتسكي شايبانى شۆەدتەردىڭ قاقپاسىنا ەنگىزدى. بەس مينۋت وتكەننەن كەيىن نيكيتا ميحايليس قازاقستان قۇراماسىنىڭ ءۇشىنشى گولىن سوقتى. ويىننىڭ اياقتالۋىنا ەكى مينۋت قالعاندا الەكسەي انتسيفەروۆ كەزدەسۋدىڭ اقتىق شايباسىن سالدى.
7- اقپاندا وتەتىن جارتىلاي فينالدا قازاقستان قۇراماسى چەحيا حوككەيشىلەرىمەن كەزدەسەدى. شيرەك فينالدا ولار سلوۆاكيانى 4:3 ەسەبىمەن ۇتىپ كەتتى. شيرەك فينالدىڭ باسقا جۇبى - كانادا مەن رەسەي.
