ورالدا جاڭادان تاعايىندالعان «باتىس» وڭىرلىك قولباسشىسى تانىستىرىلدى
دەپ حابارلايدى «قازاقپارات» ح ا ا ءتىلشىسى.
«باتىس» وڭىرلىك قولباسشىلىعىنىڭ باسپا ءسوز قىزمەتىنەن تۇسكەن مالىمەتكە قاراعاندا، ق ر ۇلتتىق ۇلانىنىڭ باس قولباسشىسى، گەنەرال- لەيتەنانت رۋسلان جاقسىلىقوۆ وسىعان وراي جەكە قۇراممەن كەزدەسىپ، جاڭا قولباسشىنى تانىستىردى. ر. جاقسىلىقوۆ ءا. سەراليەۆكە «باتىس» وڭىرلىك قولباسشىلىعىن باسقارۋدا تابىستارعا جەتۋىنە تىلەكتەستىگىن ءبىلدىردى.
الىبەك سەراليەۆ ك س ر و ىشكى ىستەر مينيسترلىگى ب ل ك ج و- نىڭ 60 جىلدىعى اتىنداعى لەنينگراد جوعارى ساياسي ۋچيليشەسىن بىتىرگەننەن كەيىن قىزمەتتىك جولىن روتا كومانديرىنىڭ تاربيە جانە الەۋمەتتىك- قۇقىقتىق جۇمىستار جونىندەگى ورىنباسارى بولىپ باستادى. ورالعا كەلگەنگە دەيىن الماتى قالاسىنداعى «وڭتۇستىك» وڭىرلىك قولباسشىسى بولدى.
ايتا كەتەيىك، وسى كەزگە دەيىن «باتىس» وڭىرلىك قولباسشىلىعىن باسقارعان گەنەرال- مايور قايرات اقتانوۆ الماتىعا «وڭتۇستىك» وڭىرلىك قولباسشىسى بولىپ اۋىستىرىلدى.
