شىمكەنت اكىمى قالالىق قوعامدىق كولىكتى ماسقارا دەپ اتادى
قالالىق اكىمدىكتە قوعامدىق كولىكتەردى دامىتۋ ماسەلەسى بويىنشا جينالىس ءوتتى.
جينالىس قالا باسشىسى عابيدوللا ءابدىراحىموۆتىڭ قاتىسۋىمەن ءوتتى. وندا كولىك سالاسى ءبولىمىنىڭ باسشىلارى مەن قالالىق اۆتوبۋس پاركتەرىنىڭ باسشىلارى قاتىستى. جينالىس قورىتىندىسى بويىنشا قالا تۇرعىندارى مەن قوناقتارىن تاسىمالداۋدا ساپالى قىزمەت كورسەتۋگە باعىتتالعان بىرنەشە شەشىمدەر قابىلداندى.
قالا اكىمى تۇرعىنداردىڭ ىڭعايلى قوزعالۋى ءۇشىن باعىتتاردى دۇرىستاۋ كەرەكتىگىن تاپسىردى. بۇل جۇمىستار تۇرعىنداردىڭ ارىزدارى مەن ۇسىنىستارى ناتيجەسىندە قاراستىرىلۋى كەرەك. سونىمەن قاتار ءابدىراحىموۆ بەلگىلەنگەن باعىتتار بويىنشا اۆتوبۋستار قوزعالىسىسىن رەتتەۋدى تاپسىردى. سونداي- اق الماتى قالاسىنىڭ تاجىريبەسىن زەرتتەپ قالادا ەلەكتروندى بيلەتتەر جوباسىن ىسكە قوسۋدى تاپسىردى.
قالا اكىمىنىڭ ايتۋىنشا، قالاداعى كولىكتەردىڭ ءتۇسىن ءبىر رەتكە كەلتىرۋ قاجەت (اق پەن جاسىل ءتۇستى پايدالانۋ). عابيدوللا ءابدىراحىموۆ ايالادما ماڭىندا اۆتوبۋستارعا ارنالعان جولاقتاردىڭ بولۋىن تالاپ ەتتى. سونىمەن قاتار، اۆتوپاركتەردىڭ اۆتوكولىكتەردى تولىعىمەن جاڭارتۋ ماقساتىندا، اكىم اۆتوپاركتەرمەن ۇزاق مەرزىمدى، 10 جىلعا دەيىنگى كەلىسىمشارت جاساسۋدى ۇسىندى، ءبىراق ولار قازىرگى باعىتتار بويىنشا جۇرەتىن اۆتوبۋستاردى 120 كۇن ىشىندە 100 پايىزعا جاڭارتۋى ءتيىس.
ايتا كەتەيىك، قازىرگى ۋاقىتتا 28 اۆتوپارك بار، ولار 75 باعىت بويىنشا جۇرەدى. كۇندەلىكتى جولاۋشىلار سانى 480 مىڭ ادامدى قۇرايدى. تۇرعىنداردىڭ ارىز شاعىمىنا قاراماستان، قوعامدىق كولىك سالاسى وسى قالادا ەڭ باستى ماسەلەلەردىڭ ءبىرى بولىپ سانالادى.
