16:38, 05 - اقپان 2017 | GMT +5
بالا كوتەرىپ ءجۇرۋدىڭ جاڭا ءادىسى تابىلدى
استانا. قازاقپارات - دجانن ەسىمدى 15 جاستاعى بالا كۇتۋشى ءسابيدى ءبىر ساتكە دە قاراۋسىز قالدىرمايدى.
كلاۋدي سورحەيندو ەسىمدى ايەل ۇيىنەن ءبىراز ۋاقىتقا شىعۋى كەرەك بولعاندىقتان، قىزىن دجانن ەسىمدى كورشى قىزعا تاستاپ كەتەدى. كورشى قىز ءوزى دە تاماقتانىپ، 2 جاسار بالانى دا قاراۋسىز قالدىرمايىن دەگەن ويمەن ونى كوتەرىپ ءجۇرۋدىڭ ەرەكشە ءادىسىن تاپتى. ول بالا كوز الدىندا ءجۇرۋ ءۇشىن ارنايى ارباسىنا دا وتىرعىزباعان. بالانى قىسقا شالبارىنىڭ ىشىنە وتىرعىزىپ الادى.
مۇنى العاش كورگەندە ءسابيدىڭ اناسى كۇلكىسىن تىيا المايدى. كەيىننەن ونى سۋرەتكە ءتۇسىرىپ، جەلىگە جاريالايدى. سۋرەتتەر جەلىدە كەڭ تارالىپ كەتتى. بۇل وقيعانىڭ كەيىپكەرى بالالاردى سالىپ جۇرۋگە دە ىڭعايلى وسىناي شورتىلار تىگۋدى قولعا الادى.
