قازاق استىعى قىتاي ارقىلى ۆەتنامعا جونەلتىلدى
بۇل تۋرالى قازاقپاراتتىڭ قىتايداعى ارناۋلى ءتىلشىسى سادىق اكەجانوۆ حابارلادى. «بارلىعىمىز دا ۇزاق ۋاقىت كۇتكەن ەكى ەل ءۇشىن دە ماڭىزدى وقيعاعا كۋا بولىپ وتىرمىز. قازاقستان مەن قىتايدىڭ كولىك كومپانيالارىنىڭ ءوزارا تىعىز ءىس-قيمىلىنىڭ ارقاسىندا ەلىمىز العاش رەت ۆەتنامعا استىق ەكسپورتتاۋ مۇمكىنشىلىگىنە يە بولدى. استىقتى العاش رەت جونەلتۋدى «قازاقستان تەمىر جولى» ۇ ك» ءا و- نىڭ ەنشىلەس كاسىپورنى «KTZ Express» ا ق- ى «ليانيۋنگان قالاسىنداعى قىتايلىق- قازاقستاندىق حالىقارالىق لوگيستيكالىق كومپانيا» مەكەمەسىمەن بىرلەسە وتىرىپ جۇزەگە اسىردى»، - دەدى استىقتى جونەلتۋگە ارنالعان سالتاناتتى شارادا ق ر- نىڭ قىتايداعى ەلشىلىگىنىڭ كەڭەسشىسى ساۋلە نۇرعاليەۆا.
«ليانيۋنگان قالاسىنداعى قىتايلىق-قازاقستاندىق حالىقارالىق لوگيستيكالىق كومپانيا» مەكەمەسى ديرەكتورلار كەڭەسىنىڭ ءتوراعاسى دين جۋي ءوز سوزىندە قازاقستان استىعىن ۆەتنامعا جەتكىزۋ «ءبىر بەلدەۋ، ءبىر جول» باعدارلاماسىن جۇزەگە اسىرۋعا زور ۇلەس قوساتىندىعىن باسا ايتتى. ونىڭ ايتۋىنشا، قىتاي قازاقستان ارقىلى كولىك ءدالىزىن دامىتۋعا قولداۋ كورسەتۋگە، سونىمەن بىرگە ق ح ر اۋماعى ارقىلى قازاقستاندىق ءونىم ەكسپورتىن وڭتۇستىك- شىعىس ازيا ەلدەرىنە جەتكىزۋگە قول ءۇشىن بەرۋگە دايىن. كەلەشەكتە تاراپتار اتالعان ءدالىز ارقىلى وڭتۇستىك- شىعىس ازيا ەلدەرىنىڭ جەمىس- جيدەگى مەن باسقا دا ونىمدەرىن قازاقستانعا يمپورتتاۋدى جولعا قويۋدى جوسپارلاپ وتىر.
ەستەرىڭىزگە سالا كەتسەك، ليانيۋنگان قالاسىنداعى قازاقستاندىق- قىتايلىق كولىك- لوگيستيكالىق تەرمينال 2014 -جىلدىڭ مامىرىندا قازاقستان پرەزيدەنتى نۇرسۇلتان نازاربايەۆتىڭ باستاماسىمەن قۇرىلعان بولاتىن. ليانيۋنگان پورتى الەمدەگى ەڭ ءىرى 20 پورتتىڭ قاتارىنا كىرەدى.
