17:04, 04 - اقپان 2017 | GMT +5
كاتار ۇشاعى ءوز تاريحىنداعى ەڭ ۇزاق رەيسكە شىعادى
استانا. قازاقپارات - Qatar Airways ۇشاعى ءوز تاريحىنداعى ەڭ ۇزاق ۇشۋعا دايىندىق ۇستىندە، ۇشۋ بارىسىندا اۋە كەمەسى ون ءتۇرلى ساعاتتىق بەلدەۋلەردەن وتەدى،
دەپ حابارلايدى ر ي ا نوۆوستي Independent باسىلىمىنا سىلتەمە جاساپ.
باسىلىمنىڭ حابارلاۋىنشا، جەكسەنبى كۇنى 5- اقپاندا، تاڭعى 05.10-دا دوحا قالاسىنىڭ اۋەجايىنان شىققان ۇشاق دۇيسەنبى كۇنى تاڭعى 07.30-دا جاڭا زەلانديانىڭ وكلاند قالاسىنا قونادى. ۇشۋ ۋاقىتى «بار بولعانى» 16 ساعات 20 مينۋتتى قۇرايدى، الايدا ساعاتتىق بەلدەۋلەردىڭ اۋىسۋىنان ءبىر جارىم كۇنگە «سوزىلادى».
Qatar Airways كومپانياسىنىڭ بۇل رەكوردىن 2018 -جىلى سينگاپۋرلىق اۋە كومپانيالارى جاڭارتۋى مۇمكىن. ولار سينگاپۋر- نيۋ- يورك باعىتى بويىنشا توقتاۋسىز، تىكەلەي رەيس اشۋدى جوسپارلاۋدا. وعان دەيىن دۋبايدان وكلاند قالاسىنا ۇشۋ ەڭ ۇزاق بولىپ سانالعان ەدى.
