14:16, 04 - اقپان 2017 | GMT +5
يران ا ق ش- تىڭ جاڭا سانكسيالارىنا قارسى شارا قولدانادى
استانا. قازاقپارات - يران ا ق ش ەنگىزگەن جاڭا سانكسيالارعا جاۋاپ رەتىندە زاڭدىق شەكتەۋلەر ورناتادى. Reuters اگەنتتىگىنىڭ حابارلاۋىنشا، بۇل شەكتەۋلەر «ايماقتىق تەرروريستىك توپتارعا كومەك كورسەتەتىن امەريكالىق جەكە تۇلعالار مەن ۇيىمدارعا قاتىستى بولماق».
ەسكە سالا كەتسەك، جۇما كۇنى ا ق ش تەگەرانمەن بايلانىستاعى 13 جەكە تۇلعا مەن 12 ۇيىمعا قاتىستى سانكسيالار ەنگىزدى. بۇعان دەيىن يران زىمىراندىق سىناق جۇرگىزگەن ەدى.
- جاڭا سانكتسيالار يران مەن «التىلىق» اراسىنداعى يادرولىق كەلىسىمدى راستايتىن ب ۇ ۇ قاۋىپسىزدىك كەڭەسىنىڭ 2231 قارارىنا جانە ا ق ش مىندەتتەمەلەرىنە قايشى كەلەدى، - دەدى يران سىرتقى ىستەر ءمينيسترى.
ونىڭ ايتۋىنشا، تەگەران يراننىڭ مەملەكەتتىك مۇددەلەرىنە باعىتتالعان ا ق ش- تىڭ كەز كەلگەن ارەكەتىنە لايىقتى تۇردە جاۋاپ قايتاراتىن بولادى.
