تۇركيا مەن گرەكيانىڭ اراسى شيەلەنىسە ءتۇستى

استانا. قازاقپارات - سوڭعى اپتادا گرەكيا مەن تۇركيانىڭ اراسى ەگەي تەڭىزىندەگى داۋلى ارالدارعا قاتىستى شيەلەنىسە ءتۇستى. انكارا افينانى «ارانداتۋ ارەكەتتەرىن جاساپ وتىر» دەپ ايىپتادى.

  گرەكيا تۇركيا ۇشاقتارىنىڭ ەلدىڭ اۋە كەڭىستىگىنە جاپپاي ەنگەنىن مالىمدەدى. ەكى ەل قارىم- قاتىناسى وتكەن اپتادا گرەكيا سوتى وتكەن جىلى شىلدەدەگى مەملەكەتتىك توڭكەرىس جاساۋ ارەكەتىنە قاتىسى بار دەپ ايىپتالعان سەگىز تۇرىك سولداتىن انكاراعا ەكستراديسيالاۋدان باس تارتقاندا شيەلەنىستى.

1 - اقپاندا گرەكيا تۇركيالىق اسكەري ۇشاقتاردىڭ ەلدىڭ ەگەي تەڭىزى اكۆاتورياسىنداعى اۋە كەڭىستىگىنە بىرنەشە رەت بۇزىپ كىرگەنىن حابارلاعان. گرەكيا قورعانىس ءمينيسترى پانوس كاممەنوس «ءبىز بەيبىتشىلىكتى قالايمىز جانە ەگەي تەڭىزىندە ىڭعايسىزدىق پەن جانجال شىققانىن قالامايمىز. ءبىراق كەز- كەلگەن ۇشاقتى قاقپايلايمىز» دەپ مالىمدەدى. تۇركيانىڭ Hurriyet باسىلىمىنىڭ حابارلاۋىنشا، تۇركيا سىرتقى ىستەر ءمينيسترى ميەۆليۋت چاۆۋشوگلۋ «گرەكيا ۇزاق ۋاقىت ارانداتۋشىلىقپەن اينالىستى. ءبىز كورشىلەرىمىزبەن كيكىلجىڭگە بارماۋ ءۇشىن ءوزىمىزدى قالىپتى ۇستايمىز» دەپ مالىمدەگەن.

1996 -جىلى تۇركيا مەن گرەكيا ەگەي تەڭىزىندەگى حالىق قونىستانباعان ەكى ارالدى ءارقايسىسى وزىنىكى ساناپ، سوعىسا جازداعان. وسى اپتادا ەكى ەل ارالدار ماڭىندا اسكەري الەۋەتىن بايقاتقان: كاممەنوس داۋلى تەرريتوريالاردىڭ ۇستىنەن ۇشىپ وتكەن، بۇدان سوڭ وعان جاقىن تەڭىزگە تۇركيا باس شتابىنىڭ قولباسشىسى حۋلۋسي اكار بارعان.

http://www.azattyq.org