قىتايلىق ب ا ق: ديماش قاتارلاستارىنان تىم ەرتە وزدى
بۇل تۋرالى بەيجىڭدىك «بەيجيڭ رى باۋ» باسىلىمى مەن «رىن مين ۋاڭ» سايتى حابارلاۋدا.
«ءبىرىنشى كەزەڭدە وتە كەرەمەت ونەر كورسەتكەن ديماش، ەكىنشى كەزەڭدە كۇردەلى سانالاتىن «وپەرا-2» ءانىن ءساتتى ورىنداپ شىقتى جانە ءبىرىنشى ورىن يەلەنگەن بولاتىن. دەگەنمەن داۋىس بەرۋدەن كەيىن، تىلشىلەر بايقاۋ تىڭداۋشىلارىمەن تىلدەسكەن بولاتىن. ولاردىڭ باسىم بولىگى ديماش ءوز قاتارلاستارىن تىم ەرتە شاڭ قاپتىرىپ كەتتى دەپ سانايدى. سونىمەن قاتار جوعارى داۋىسپەن ءان ايتا بەرۋ تىڭداۋشىلاردا «ەستەتيكالىق تۇرعىدا قاجىتىپ»، كەيىنگى كەزەڭدەردە ونىڭ كوشباسشىلىعىنا نۇقسان كەلۋى ىقتيمال»، - دەپ جازادى باسىلىم.
ەسكە سالا كەتەيىك، ديماش بۇعان دەيىن قىتايداعى Singer2017 ءان بايقاۋىنا قاتىسىپ، ءبىرىنشى جانە ەكىنشى كەزەڭىنىڭ باس جۇلدەسىن يەلەنگەن بولاتىن. جەرلەسىمىز 4 - اقپان كۇنى استانا ۋاقىتىمەن 20:30-دا بايقاۋدىڭ ءۇشىنشى كەزەڭىندە ونەر كورسەتەدى جانە وندا Queen توبىنىڭ «Show must go on» ءانىن شىرقاماق.
اۆتور: جاسۇلان جولدىبايەۆ
