قوجامجاروۆ: جالعان كاسىپورىنداردى لاۋازىمدى قىزمەتكەرلەر پايدالانۋدا

استانا. قازاقپارات - بۇگىن ۇكىمەتتىڭ كەڭەيتىلگەن وتىرىسىندا مەملەكەت باسشىسى نۇرسۇلتان نازاربايەۆ بيزنەسمەندەردى قورعاۋدىڭ قادامدارىن جۇزەگە اسىرۋدى جۇكتەدى، دەپ حابارلايدى قازاقپارات.

«جالعان كاسىپكەرلىكپەن كۇرەسۋ كەرەك، ونىڭ كەلتىرىپ وتىرعان زالالى بار. الايدا، بۇل باعىتتاعى كۇرەس شارالارى جۇمىسىن ادال اتقارىپ جۇرگەن كاسىپكەرلەرگە جاناما ءتيىپ جاتىر. ياعني، ولار الاياقتاردىڭ كەسىرىنەن قارجىلىق جاۋاپكەرشىلىكتىڭ اۋىرتپالىعىن تاتىپ ءجۇر»، - دەدى ەلباسى.

ءوز كەزەگىندە مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگىنىڭ ءتوراعاسى قايرات قوجامجاروۆ وكىنىشكە قاراي، جالعان كاسىپورىنداردى كوبىنەسە بيۋدجەتتىك قارجىنى جىمقىرۋ كەزىندە لاۋازىمدى قىزمەتكەرلەر پايدالاناتىنىن اتاپ ءوتتى.

«وندا وسى لاۋازىمدى تۇلعالارمەن جۇمىس ىستە. ال بيزنەس جۇرگىزەتىندەرگە تيىسپەڭدەر»، - دەدى مەملەكەت باسشىسى.

وسى ورايدا پرەزيدەنت زاڭنامانى ىزگىلەندىرۋ جۇمىسىن جالعاستىرۋدى تاپسىردى.

«مۇنداي ىستەردەن بيزنەسمەندەردى اراشالاۋ ءۇشىن زاڭنامانى ىزگىلەندىرۋدى قاراستىرىڭىزدار. ارينە، ەگەر دە زاڭدى بۇزسا جاۋاپكەرشىلىككە تارتۋ كەرەك»، - دەپ اتاپ ءوتتى ن. نازاربايەۆ.

اۆتور: رۋسلان عابباسوۆ