ەلباسى: ءبىز قىسقارتقان جەرلەردە شەنەۋنىكتەر نە ءۇشىن وتىر
«وتكەن جىلى دۇنيەجۇزىلىك بانكتىڭ بيزنەستى جەڭىل جۇرگىزۋ رەيتينگىندە 35 -ورىندى الدىق. شىنىمەن دە جاقسى كورسەتكىش. الايدا، وسى باعىتتا بيزنەستىڭ ايتارلىقتاي جاقسارعانىن ازىرگە بايقاعانىم جوق»، - دەدى ەلباسى ۇكىمەتتىڭ كەڭەيتىلگەن ماجىلىسىندە.
مەملەكەت باسشىسىنىڭ سوزىنە قاراعاندا، بىلتىرعى توعىز ايدىڭ قورىتىندىسى بويىنشا شاعىن جانە ورتا بيزنەستە تاۋارلار شىعارۋ مەن قىزمەت كورسەتۋ كولەمى جەتى پايىزعا تومەندەدى. شوب- تاعى جۇمىس ىستەپ تۇرعان سۋبەكتىلەر سانى جەتى پايىزعا، ال جۇمىسپەن قامتىلعاندار ءۇش پايىزعا ازايدى.
«ارينە، باعامنىڭ اۋىتقۋى ىقپال ەتكەنى انىق، ءبىراق بۇل كورسەتكىشتەر مۇلدەم باسقا ماسەلەنى بايقاتىپ وتىر. ەگەر دە بيزنەسكە رەتتەگىش جۇكتەمە ۇنەمى ارتىپ وتىرسا، وندا ولار ءوسىمدى قالاي قامتاماسىز ەتەدى؟!»، - دەپ توقتالدى مەملەكەت باسشىسى.
رەسپۋبليكادا تەكسەرۋ مەن باقىلاۋشى قىزمەتتەردى 61 ۆەدومستۆو جۇزەگە اسىرادى ەكەن، ونىڭ 45- ءى ورتالىق، ال قالعان 16-سى جەرگىلىكتى جەرلەردە.
«جاقىندا باقىتجان ابدىر ۇلىمەن (ق ر پرەمەر- ءمينيسترى) سويلەسكەن ەدىم. ءتىستى ەمدەۋ جونىندە جەكە كلينيكالار بار. ال باسقا اۋرۋلار بويىنشا نەگە وسىلاي ىستەمەيدى؟ ياعني، جەكە كلينيكانى اشۋعا، جەكە بيزنەستى ىسكە قوسۋعا مۇمكىندىك بەرمەي وتىر. نەگە؟ بۇل كەمشىلىكتەردى جويۋ ءوز قولىمىزدا عوي؟! كىم ونى ىستەپ جاتىر؟ ءبىز تالقىلاپ، شەشىم قابىلدايمىز، ال ءىس جۇزىندە باسقاشا بولادى. «اتامەكەن» ۇ ك پ مالىمەتىنە قاراعاندا، كاسىپكەرلەرگە 28 مىڭنان استام تالاپتار قويىلادى. تيمۋر مۇرات ۇلى (ۇلتتىق ەكونوميكا ءمينيسترى)، سەن كەلدىڭ عوي مينيسترلىككە، ەندى وسى ماسەلەنى شەشەتىن شىعارسىڭ؟! ۇكىمەت جوسپارلى تەكسەرۋلەر توقتاتىلعانىن، تاۋەكەلدەردى باسقارۋدىڭ جاڭا جۇيەلەرى ەنگىزىلگەنىن، مەملەكەتتىك قىزمەتتەر ەلەكتروندى فورماتقا كوشىرىلگەنىن مالىمدەپ ءجۇر، ءبىراق تا تەكسەرۋشى ورگانداردىڭ قىسقارۋى ورىن الماي جاتىر. ءبىز قىسقارتقان جەرلەردە شەنەۋنىكتەر نە ءۇشىن وتىر؟ تەكسەرۋشىلەردى قىسقارتقانىمىزبەن، شەنەۋنىكتەر سانى بۇرىنعىسىنشا قالۋدا»، - دەدى ن. نازاربايەۆ.
وسى ورايدا ەلباسى ۇكىمەتكە، باس پروكۋراتۋراعا جانە «اتامەكەن» ۇ ك پ- عا بىرلەسە قاداعالاۋ مەن تەكسەرۋ قىزمەتتەرىنىڭ سانىنا اۋقىمدى ريەۆيزيا جۇرگىزۋدى، سونداي- اق ونىڭ ناتيجەسىن ءبىر ايدىڭ ىشىندە بايانداۋدى تاپسىردى.
اۆتور: رۋسلان عابباسوۆ
