قازاقستاندىق كليپ گيننەستىڭ رەكوردتار كىتابىنا ەنۋى مۇمكىن - كەسكىن

استانا. قازاقپارات - قازاقستاندىق «اكۆافون» توبىنىڭ «ماعان قولىڭدى بەر» اتتى بەينەبايانى گيننەستىڭ رەكوردتار كىتابىنا ەنۋى مۇمكىن. بۇل تۋرالى ەكسپرەسس- ك حابارلادى.

ۋنيۆەرسيادا ويىندارىنا ارنالىپ شىعارىلعان بەينەباياندا 43 تىلدە سالەمدەسۋ سوزدەرى ايتىلادى. ونىڭ ىشىندە قازاق، ورىس، اعىلشىن تىلدەرى دە بار. ءدال وسى سەبەپتى كليپ الەمگە ايگىلى گيننەس رەكوردتار كىتابىنا ەنۋى مۇمكىن.

تۋىندى اۋەنىنىڭ ءارى ءماتىنىنىڭ اۆتورى جانە ورىنداۋشىسى ولەگ بەلوۆتىڭ ايتۋىنشا، بۇل الەمدىك رەكورد. قازىرگى ۋاقىتتا بەينەباياندى قازاقستانداعى كينەس رەكوردتار كىتابى قاراپ جاتىر.

بۇدان بولەك، بەلوۆ بەينەباياننىڭ گيننەس رەكوردتار كىتابىنا ەنۋى مۇمكىن ەكەنىن دە جەتكىزدى. ازىرگە ءوتىنىش قارالۋ ۇستىندە.

ول ازداي، بەلوۆ «اكۆافون» توبىنىڭ جۋىردا جارىق كورگەن البومىنداعى 3 بىردەي تۋىندىنى گيننەسكە كىرگىزۋگە بولاتىنىن مالىمدەدى. ول 83 قالانىڭ اتى اتالاتىن «پوەحالي- گالي» ، ولەڭ ماتىنىندەگى بارلىق سوزدەر جىڭىشكەلىك بەلگىسىمەن () اياقتالاتىن «ناۋچيس لەتات» ءانى جانە بارلىق سوزدەرى «پ» ارپىنەن باستالاتىن ءان تاريحىنداعى العاشقى «پروستو پوۆەر» ءانى.

الايدا رەكوردتار كىتابىنا تىركەلۋدىڭ ءوزى ءار جاڭالىققا 800 دوللار كولەمىندە اقشا تالاپ ەتەدى ەكەن.

«قانشا دەگەنمەن، بۇل كوممەرتسيالىق جوبا. سوندىقتان تاۋەكەلگە بارا المادىق. الايدا قازاقستانداعى رەكوردتار كىتابىنا ەنۋ ءۇشىن تىركەۋگە اقى تولەمەيسىز، سوندىقتان ءتيىمدىسى وسى» ، - دەيدى مۋزىكانت.

بەينەباياننىڭ ءتۇسىرىلىم جۇمىستارى الماتىدا جانە الاكول كولىندە وتكەن.

Stan.kz