قازاقستاندا قارىزعا اقشا بەرەتىن تەرمينال ورناتىلدى

استانا. قازاقپارات -  قازاقستاندا العاش قارىزعا اقشا بەرەتىن اۆتومات ورناتىلىپ وتىر. بۇل تۋرالى ءوزىنىڭ فەيسبۋك پاراقشاسىنا جاريالاعان جەڭىس مۇحيتوۆ ەسىمدى ازامات اۆتوماتتىڭ الماتى قالاسىندا ورناتىلعانىن ايتادى.

«جاقىندا اندرەي گۋساكوۆتىڭ ايتۋىمەن الماتىدا بىردەن قارىز بەرەتىن اپپاراتتى تاۋىپ الدىم. بارلىعى قاراپايىم، ەشقانداي قيىندىعى جوق. سوممانى تاڭدايسىڭ، قارىز قاي ۋاقىتقا دەيىن الاتىنىڭدى جازاسىڭ. سوسىن جەكە كۋالىگىڭدى سكانەرلەيسىڭ دە، ساۋساق ءىزى ارقىلى كەلىسىمگە قول قوياتىن بولۋىڭ كەرەك. ءبىزدىڭ نارىق ءۇشىن بۇل جاڭاشىلدىق» ، - دەيدى الەۋمەتتىك جەلى قولدانۋشىسى.

دەگەنمەن، جەڭىس مۇحيەۆ ءوزى باقىلاعان جارتى ساعات ۋاقىت ىشىندە تەرمينالدان ەشكىم قارىز الماعانىن ايتادى.