الەمگە ايگىلى اكتەر دونالد ترامپتىڭ تاعىن سۇرادى

استانا. قازاقپارات - كاليفورنيا شتاتىنىڭ بۇرىنعى گۋبەرناتورى، اكتەر ارنولد شۆارتسنەگگەر دونالد ترامپقا لاۋازىمدارىن اۋىستىرۋ تۋرالى ۇسىنىس جاسادى.

ترامپ جۇرگىزۋشى بولعان كەزىندە باعدارلاماسىنىڭ رەيتينگى جوعارى بولعانىن، ال قازىر جۇرگىزۋشىلىكتىڭ تىزگىنىن ۇستاعان شۆارتسنەگگەردىڭ رەيتينگى وزىنە جەتە الماي جاتقانىن ايتىپ قالعان. قىزدى-قىزدىمەن قالجىڭعا باسىپ، «ارنولد پەن شوۋدىڭ رەيتينگى ءۇشىن دۇعا جاساۋ كەرەك» - دەگەن.

بۇعان قاراپ قالماعان شۆارتسەنەگگەر ءوز كەزەگىندە شوۋ جۇرگىزۋشىسىنە قايتا ورالىپ، پرەزيدەنت لاۋازىمىن وزىنە بەرۋدى سۇرادى. «دونالد، مەندە جاقسى يدەيا بار. رولدەرىمىزدى اۋىستىرايىق؟ رەيتينگتى جاقسى جينايتىن مامان بولساڭ تەلەارناداعى جۇمىسىڭا ورال. ال مەن سەنىڭ جۇمىسىڭدى ىستەيىن. سوندا ادامدار قايتادان تىنىش ۇيىقتاي الادى» - دەيدى اكتەر.

 

دەرەككوز: كوررەسپوندەنت