مەن سوتقا جۇگىنبەيمىن - ۆيتاس
«قادىرلى دوستار! رەسمي تۇردە مىنانى ايتقىم كەلەدى: سوڭعى 4 كۇن ىشىندە الەۋمەتتىك جەلىلەردە ماعان قاتىستى جاعىمسىز سوزدەر كوپ ايتىلدى. وسىعان بايلانىستى مەن ءاربىر شىعارماشىلىق ادامىنا جانە كەز كەلگەن شىعارماشىلىق ىزدەنىسكە قۇرمەتپەن قارايتىنىمدى ايتقىم كەلەدى. ءوز باسىم وسىعان دەيىن باسقا ءبىر ونەر ادامىنىڭ شىعارماشىلىق ومىرىنە ارالاسۋعا، ونىڭ شىعارماشىلىعىنا تالداۋ جاساپ، تالقىلاۋعا، سول ءۇشىن سوت ورگاندارىنا جۇگىنۋگە بارامىن دەپ ويلاماپپىن. جانە ەشقاشان ولاي ىستەمەيمىن»، - دەپ جازدى ۆيتاس Facebook-تاعى پاراقشاسىندا.
زاڭ تۇرعىسىنان العانداعى قايشىلىقتارعا توقتالاتىن بولساق، ءار ءارتىستىڭ باسىندا كەزدەسەتىن داۋلى ماسەلەلەر - ول پروديۋسەر مەن كومپانيانىڭ قۇزىرەتىنە جاتاتىن ءىس، دەپ اتاپ ءوتتى ءانشى.
«ءارقاشان دا تانىمال تۋىندىلارعا قاتىستى داۋلار مەن تالاستار بولىپ تۇرادى - بۇل سولاي بولاتىن نارسە، الايدا ول ەشقاشان جاعىمسىز پىكىرلەر مەن جەكە باسقا تيىسۋشىلىككە اپارىپ سوقتىرماۋى ءتيىس. مەن ءبارىڭىزدى سابىرعا جانە ماعان لايك باسۋعا شاقىرامىن»، - دەپ جازدى ۆيتاس.
اۆتور: ەربول جانات
