ۋكراينا: رەسەي قارا تەڭىز ۇستىندە ۇشاعىمىزدى اتقىلادى
ۋكراينا قورعانىس ءمينيسترى ستەپان پولتوراكتىڭ ايتۋىنا قاراعاندا، ۇشاققا رەسەيدىڭ قارا تەڭىز فلوتىنداعى قايىققا قارسى شاعىن كەمەدەن اتىس قارۋىمەن اتقىلاعان.
پولتوراك رەسەيدىڭ راديولوكاتسيالىق ستانتسياسىنىڭ ادەتتە اۋە شابۋىلىنان قورعانىس جۇيەسىنىڭ زىمىراندارىن باعىتتاۋ ءۇشىن قولدانىلاتىن «بەلسەندى رەجيمدە» جۇمىس ىستەپ تۇرعانى بايقالعان. ۇشاق جەرگە قونىپ ۇلگەرگەن، ۇشقىش زارداپ شەكپەگەن.
اتقىلاۋ كەزىندە ۇشاق رەسەي 2014 -جىلى قىرىمدى اننەكسيالاپ العان سوڭ باسىپ العان ودەسساداعى گاز كەنىشىنىڭ ۇستىنەن ۇشىپ بارا جاتقان.
رەسەيدىڭ قارا تەڭىز فلوتىنىڭ شتابى ۋكراينا اسكەري- اۋە كۇشتەرىنىڭ ا ن-26 ۇشاعىن اتقىلادى دەگەن ايىبىن جوققا شىعاردى. شتاب وكىلىنىڭ (اتى- ءجونى ايتىلمايدى) «ينتەرفاكسكە» حابارلاۋىنشا، ۇشاق «مۇناراعا ارانداتۋ ماقساتىمەن تومەندەپ ۇشىپ جاقىن كەلگەن»، وعان «سيگنالدىق تاپانشادان ءتورت رەت جارىق سيگنالى جىبەرىلگەنىن» جانە ەشقانداي قاۋىپ توندىرىلمەگەنىن ايتادى.
«ازاتتىق»
