قازاقستاندىق اكتەر ا ق ش- تا سپورتتىق «وسكار» سىيلىعىنىڭ لاۋرەاتى اتاندى
29 - قاڭتار كۇنى اتلانتيك- سيتيدە حالىقارالىق جەكپە- جەك ونەرى اكادەمياسى ماراپاتتاۋ ءراسىمىن وتكىزدى. ءىس- شارا ءداستۇر بويىنشا الەمنىڭ كوپتەگەن ەلىنەن كەلەتىن اكتەر- سپورتشىلار، جاتتىقتىرۋشىلار، كاسكادەرلار جينالاتىن «قارا بەلبەۋ» سيەزىندە ءوتتى.
قازاقستاندىق اكتەر ارمان اسەنوۆ سىيلىقتىڭ لاۋرەاتى اتاندى.
«سپورتتىق «وسكار» سىيلىعى الەمنىڭ ءتۇرلى ەلىنەن كەلگەن سپورتشىلارعا، جاتتىقتىرۋشىلار مەن كاسكادەرلارعا، سونداي- اق كينەماتوگرافيا سالاسىندا بەلسەندى جۇمىس جاسايتىن ادامدارعا بەرىلەدى. سالتاناتتى كەشكە قاتىسا المادىم، سەبەبى مەن ۋنيۆەرسيادا جەڭىمپازدارىن ماراپاتتاۋ شاراسىنىڭ تەحنيكالىق ديرەكتورىمىن. سوندىقتان ماراپاتتى الۋعا قىزىم اريەل ۇشىپ باردى. مەنىڭ ويىمشا، شەتەلدەگى وسىنداي سىيلىق - قازاقستاندى الەمدىك قوعامداستىققا تانىتۋدىڭ جوعارى ماراپاتى»، - دەپ ايتتى اكتەر.
ارمان اسەنوۆ - تانىمال قازاقستاندىق كينواكتەر. ول «ساگا دريەۆنيح بۋلگار» (رەسەي) فيلمىندە اتيللانىڭ، «ۆوزۆراشەنيە ۆ «ا» (قازاقستان، رەسەي) كينوسىندا - كارا- مايوردى، «شىڭعىسحان» كينوسىندا (يتاليا - پولشا) - شىڭعىسحاندى، «دەسانت» فيلمىندە (قازاقستان) - لەيتەنانت احمەتوۆتى، «قازاق ەلى» (قازاقستان) كينوسىندا - قوبىلاندى باتىردى سومداعان.
سونداي- اق، ول قازاقستاندىق جانە حالىقارالىق كينو وندىرىسىندەگى 20 دان استام فيلمنىڭ پروديۋسەرى بولىپ تابىلادى.
