ەسەپ كوميتەتى «سامۇرىق- قازىنا» قورى جۇمىسىنان ميللياردتاعان قارجىلىق بۇزۋشىلىقتاردى انىقتادى

استانا. قازاقپارات - ەسەپ كوميتەتى «سامۇرىق- قازىنا» قور جۇمىسىنان قارجىلىق جانە پروتسەدۋرالىق بۇزۋشىلىقتاردى انىقتادى.

بۇل تۋرالى بۇگىن ەسەپ كوميتەتىنىڭ وتىرىسىنان كەيىن ب ا ق وكىلدەرىنە سۇحبات بەرگەن كوميتەت مۇشەسى ايگۇل مۇحامەتكارىم ءمالىم ەتتى،

 دەپ حابارلايدى قازاقپارات.

 «مەملەكەتتىك اۋديت 93 ميلليارد تەڭگەدەن استام سومانى قامتىدى. ول ەكى باعىتتا جۇرگىزىلدى. ءبىرىنشى باعىتى باراقتى- اقساي، الماتى- شۋ تەمىر جولى تارماقتارىن، قۇرىق پورتىندا پاروم كەشەنىن سالۋ، سونىمەن قاتار «قورعاس- شىعىس قاقپاسى» ارنايى ەكونوميكالىق ايماعىن قۇرۋ مەن دامىتۋ ءۇشىن «سامۇرىق- قازىنا» قورىنىڭ جارعىلىق كاپيتال ۇلعايتۋعا ارنالعان 049 مەملەكەتتىك باعدارلاماسى بويىنشا بولىنگەن رەسپۋبليكالىق بيۋدجەت قارجىسىنىڭ پايدالانىلۋىنا جۇرگىزىلگەن اۋديت.

ەكىنشى باعىت 2011-2015 -جىلدارى ارالىعىندا «سامۇرىق- قازىنا» قورىنىڭ ەنشىلەس جانە تاۋەلدى ۇيىمدارى اكسيالارىنىڭ پاكەتتەرىن باعالى قاعازدار نارىعىنا شىعارۋ باعدارلاماسىنىڭ ىسكە اسىرىلۋىنا جۇمسالعان مەملەكەت اكتيۆتەرىنىڭ پايدالانىلۋىنا مەملەكەتتىك اۋديت. جوبالاردىڭ جۇزەگە اسىرىلۋىنا قاتىستى ايتار بولسام، قارجى 2014 -جىلدان باستاپ 2016 -جىلدىڭ قىركۇيەگىنە دەيىنگى كەزەڭدى قامتيدى. مەملەكەتتىك اۋديت بارىسىندا انىقتالعان قارجىلىق بۇزۋشىلىقتاردىڭ جالپى سوماسى 1,5 ميلليارد تەڭگەنى قۇرايدى. 1,3 ميلليارد تەڭگە ءتيىمسىز جۇمسالعان قارجى»، - دەدى ول.

 ونىڭ ايتۋىنشا، مۇنان بولەك، قور جۇمىسىندا قۇرىلىس- مونتاجداۋ جۇمىستارىن جوبالىق- قۇرىلىس قۇجاتتارىنسىز جۇرگىزۋ، جۇمىستىڭ باستالۋىن قۇزىرەتتى ورگاندارعا حابارلاماۋ، نەگىسىز الدىن الا اقشا ءبولۋ سىندى پروتسەدۋرالىق بۇزۋشىلىقتارعا دا جول بەرگەن.

 سونداي- اق ايگۇل مۇحامەتكارىم قورعا تيەسەلى كومپانيالاردىڭ اكسيالارىن حالىقتىق ІРО - عا شىعارۋ باعدارلاماسىنىڭ 2014 -جىلى قايتا تۇزەتىلىپ، ودان كەيىن شىعىنعا ۇشىراعاندىعىن اتاپ ءوتتى. باعدارلاما اياسىندا باستاپقىدا كوزدەلگەندەي 6 ەمەس تەك 2 عانا كومپانيانىڭ شىعارىلعانىن ايتتى.

وتىرىس بارىسىندا «سامۇرىق- قازىنا» ۇ ءا ق» اق قارجى جانە وپەراتسيالار جونىندەگى باسقارۋشى ديرەكتورىنىڭ مىندەتىن اتقارۋشى ەرنار ءجانادىل مەن «قازاقستان تەمىر جولى» ۇ ك» ا ق- نىڭ باس ينجەنەرى باۋىرجان ورىنباساروۆ ءسوز سويلەپ، مەملەكەتتىك اۋديت بارىسىندا انىقتالعان بۇزۋشىلىقتارعا قاتىستى تۇسىنىكتەمە بەردى.

 ايتا كەتەيىك، بۇگىن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ وتىرىسىندا ۇلتتىق ەكونوميكانىڭ باسەكەگە قابىلەتتىلىگى مەن تۇراقتىلىعىن قامتاماسىز ەتۋ ءۇشىن «سامۇرىق- قازىنا» ۇ ءا ق- نىڭ جارعىلىق كاپيتالىن ۇلعايتۋعا بولىنگەن رەسپۋبليكالىق بيۋدجەت قاراجاتىنا، سونىمەن قاتار اتالعان قورعا ەنشىلەس جانە تاۋەلدى ۇيىمدارى اكسيالارىنىڭ پاكەتتەرىن باعالى قاعازدار نارىعىنا شىعارۋ باعدارلاماسىنىڭ ىسكە اسىرىلۋىنا جۇمسالعان مەملەكەت اكتيۆتەرىنىڭ پايدالانىلۋىنا مەملەكەتتىك اۋديتتىڭ قورىتىندىسى قارالدى.

اۆتور: مارلان جيەمباي