16:43, 02 - اقپان 2017 | GMT +6
پاكىستان بيلىگى ءۇندى كينولارىن كورسەتۋگە سالىنعان تىيىمدى الىپ تاستادى
استانا. قازاقپارات - پاكىستان بيلىگى ەلدىڭ كينوتەاترلارىندا تيىم سالىنعان ءۇندى كينوسىن قايتا كورسەتەتىن بولادى. بۇل تۋرالى سارسەنبى كۇنى The Guardian حابارلادى.
«فەدەرالدىق ۇكىمەت پاكىستان كينوتەاترلارىندا بارلىق حالىقارالىق فيلمدەردى كورسەتىپ، اشىق ساياساتتى جۇزەگە اسىراتىندىعى ءۇشىن قۋانىشتى»، - دەپ ايتىلادى پاكىستاننىڭ اقپارات مينيسترلىگىنىڭ مالىمدەمەسىندە.
بۇرىن وسىنداي قادامدى مەملەكەتتىڭ پرەمەر- ءمينيسترى ناۆاز شاريف قولداعان بولاتىن. تيىمدى الىپ تاستاۋ تۋرالى شەشىم كۇشىنە ەندى.
ءۇندى كينوسىن كورسەتۋگە 2016 -جىلدىڭ قىركۇيەك ايىندا تىيىم سالىنعان. بۇل ءۇندىستان مەن پاكىستان شەكاراسىن بەلگىلەۋگە جانە كاشمير اۋماعىن بولىسۋگە قاتىستى شيەلەنىس سالدارىنان تۋىندادى.
