اقتوبەدە وبىر دەرتى اسقىنىپ تۇر
بۇل رەسپۋبليكالىق كورسەتكىشتەن جوعارى.
«وتكەن جىلى 1448 ادامنان قاتەرلى ىسىك انىقتالدى. كوبى العاشقى ساتىسىندا ەم قابىلدادى. دەرتتىڭ انىقتالۋىنا سكرينينگتىك تەكسەرۋلەر اسەر ەتىپ جاتىر. ءوڭىر بويىنشا ءبىرىنشى ورىنعا اسقازان وبىرى شىقتى. وتكەن جىلى 167 ادامنان، ياعني، ناۋقاستاردىڭ 20 پايىزىنان اسقازان وبىرى انىقتالدى. سودان كەيىن وكپە، ءسۇت بەزى، تەرى مەن وڭەش وبىرى تۇر. قاتەرلى ىسىك بويىنشا مارتوك، ىرعىز اۋداندارى مەن اقتوبە قالاسىندا ءولىم ءجيى تىركەلگەن»، - دەيدى وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆ. كوبى وكپەدەگى قاتەرلى ىسىكتەن كوز جۇمعان.
وبلىستىڭ باس ونكولوگى ءارىپ قويشىبايەۆتىڭ ايتۋىنشا، وتكەن جىلى 100 مىڭ تۇرعىنعا شاققاندا 71 ادام ءتۇرلى وبىر دەرتىنەن قايتىس بولعان.
ايتا كەتەيىك، اقتوبە وبلىسى مەديتسينالىق كلاستەردى دامىتۋ ماقساتىندا كەلەر جىلى پوزيتروندى- ەميسسيوندىق توموگرافيا ساتىپ الۋدى جوسپارلاپ وتىر. بۇل اپپارات وبىر دەرتىنە شالدىققانداردى وتادان كەيىن قايتا تەكسەرىپ، ىسىك قايتالانسا، ونى ەرتە انىقتاۋعا مۇمكىندىك بەرەدى.
اۆتور: التىناي ساعىندىقوۆا
