ا ق ش- تا گيتلەردىڭ جەكە تەلەفونى اۋكسيونعا قويىلدى

استانا. قازاقپارات - ا ق ش- تا ادولف گيتلەردىڭ جەكە تەلەفونى اۋكسيوندا ساتىلادى، دەپ حابارلادى Alexander Historical Auctions اۋكسيون ءۇيىنىڭ رەسمي سايتى.

Siemens تەلەفونىن ۆەرماحت تارتۋ ەتكەن. ونى 1945 -جىلى كەڭەس ساربازدارى گيتلەر بۋنكەرىنەن تاۋىپ، بريتاندىق وفيتسەرگە بەرگەن. وفيتسەردىڭ جانۇياسى تەلەفوندى 70 جىل بويى ساقتاعان.

اۋكسيون ءۇيى بۇل تەلەفوندى ميلليونداردىڭ ءومىرىن قيعان بارلىق زاماننىڭ ەڭ جويقىن قۇرالى دەپ اتاۋدا. ازىرگە تەلەفوننىڭ بولجالدى باعاسى - 200-300 مىڭ دوللار كولەمىندە.

 ءباسساۋدا 19- اقپان كۇنى وتەدى. وندا ءۇشىنشى رەيح ءداۋىرىنىڭ وزگە دە بۇيىمدارى ساتىلىمعا شىعارىلادى.