پرەزيدەنتتىڭ اجالىن بولجاعان استرولوگ تۇتقىندالدى

استانا. قازاقپارات - شري- لانكا پوليتسياسى قاڭتار ايىنىڭ سوڭىندا ەل پرەزيدەنتى مايتريپالا سيريسەن قايتىس بولادى دەپ بولجاعان استرولوگتى تۇتقىندادى.

ۆيدجيتحا روحانا ۆيدجەمۋني الەۋمەتتىك جەلىلەردە سيريسەننىڭ 27-قاڭتاردا جازاتايىم وقيعادان نەمەسە دەرتتەن كوز جۇماتىنى تۋرالى ۆيدەو جاريالاعان.

الايدا پرەزيدەنت ءدىن امان بولعاندىقتان ول بولجامىن قازانعا اۋىستىرعان.

استرولوگتىڭ بۇل قىلىعى شەنەۋنىكتەردىڭ شامىنا تيسە كەرەك، ولار ونىڭ توڭكەرىس نەمەسە پرەزيدەنتكە قاستاندىق ۇيىمداستىرۋى مۇمكىن دەگەن كۇدىكپەن پوليتسياعا جۇگىنگەن. پوليتسيا استرولوگتىڭ پرەزيدەنتكە ءتىل تيگىزگەنىن تۇجىرىپ، تۇتقىنعا العان.

52 جاستاعى ۆيدجەمۋني بۇرىن اسكەري تەڭىز فلوتىندا قىزمەت ەتكەن. قازىر بەلگىلى استرولوگ. 1987 -جىلى ءۇندىستاننىڭ پرەمەر-ءمينيسترى رادجيۆ گانديگە قاستاندىق جاساماق بولعانى ءۇشىن ءۇش جىلعا جۋىق اباقتىعا جابىلعان.

بوستاندىققا شىققاننان كەيىن ساياساتقا ارالاسىپ، شري-لانكا پارلامەنتىنە سايلاۋعا ءتۇسىپ، كەيىن استرولوگ جۇمىسىن قولعا العان.

شري-لانكانىڭ كوپتەگەن تۇرعىندارى ونىڭ استرولوگيالىق بولجامدارىن باقىلاپ، قاشان ۇيلەنۋ، ءۇي سالۋ، ماڭىزدى قۇجاتقا قول قويۋ سىندى شارۋشالارىن سول بولجامنىڭ نەگىزىندە شەشەدى.

 

دەرەككوز: http://www.bbc.com