استانا كوشەسىندەگى جۇرگىزۋشىلەر توبەلەسىنىڭ ءمان-جايى انىقتالدى - كەسكىن
بۇل جايىندا استانا قالالىق ءى ءى د باسپا ءسوز قىزمەتىنەن ءمالىم ەتتى، دەپ حابارلايدى قازاقپارات. «پوليتسيا قىزمەتكەرلەرى 1 -اقپان كۇنى شامامەن ساعات 21-00-دە ماڭگىلىك ەل كوشەسى بويىندا قوعامدىق اۆتوبۋس پەن جول تالعامايتىن كولىك جۇرگىزۋشىلەرىنىڭ اراسىنداعى جانجالعا قاتىستى تەكسەرۋ جۇرگىزۋدە.
الدىن الا تەكسەرۋ بارىسىندا اۆتوبۋس جۇرگىزۋشىسى جول تالعامايتىن كولىككە جول بەرمەي، اپاتتىق جاعداي تۋىنداتقاندىعىن ايتتى. سونىڭ سالدارىنان ولاردىڭ اراسىندا جانجال تۋىنداعان. پوليتسياعا ەشكىم ارىزدانعان جوق. تەكسەرۋ جالعاسۋدا»، - دەدى باسپا ءسوز قىزمەتىنىڭ جەتەكشىسى سوفيا قىلىشبەكوۆا.
ەستەرىڭىزگە سالا كەتسەك، جۇرگىزۋشىلەردىڭ اراسىنداعى جانجال تۇسىرىلگەن ۆيدەو تاراعان بولاتىن. وقيعا كۋاگەرلەرىنىڭ ايتۋىنشا، جانجال سوڭى توبەلەسكە ۇلاسقان. ولاردى وقيعا كۋاگەرلەرى اجىراتىپ العان.
Драка между водителями автобуса 70-го маршрута и внедорожника. Астана. @orazbekov_akhat
اۆتور: مارلان جيەمباي
