ۆيتاستىڭ پروديۋسەرى: ديماش - ەكىنشى سۇرىپتى ارزانقول ءانشى

استانا. قازاقپارات - ۆيتاستىڭ پروديۋسەرى سەرگەي پۋدوۆكين نەلىكتەن قازاقستاندىق جاس ءانشى ديماش قۇدايبەرگەنگە نارازىلىق تانىتىپ وتىرعانىن ايتىپ بەردى.

 بۇل تۋرالى NewTimes.kz سايتى جازادى.

- ديماش قۇدايبەرگەنگە ايتار قانداي شاعىمىڭىز بار؟

- بىرىنشىدەن، قىتاي ادۆوكاتتارى ارقىلى ەشقانداي شاعىم تۇسىرگەن ەمەسپىن. شىنىمەن، مۇنداي شاعىم جاسالعانى راس، ول الداعى ۋاقىتتا ىسكە، اساتىن بولادى. ونى ازيا ەلدەرىندە ۆيتاستىڭ كونسەرتتىك، جارنامالىق جانە باسقا دا قىزمەتتەرىمەن اينالىساتىن كومپانيا جىبەردى.

اسىپ ايتار ەشتەڭەسى جوق. «وپەرا №2» ءانىن ۆيتاس 18 جىل بۇرىن جازعان. اۆتورى ءارى كومپوزيتورى رەتىندە ول وسى تۋىندىنىڭ جالعىز ءارى زاڭدى يەسى بوپ تابىلادى. سوندىقتان ونى وزگە ءارتىس ورىنداماس بۇرىن اۋىزشا نەمەسە زاڭدى تۇردە كەلىسىپ الۋى كەرەك.

وزگەنىڭ زياتكەرلىك مەنشىگىن، باسقاشا ايتقاندا اۆتورلىق قۇقىعىن، رۇقساتسىز پايدالانعاندا ەلدە ءارتىستىڭ مۇددەسىن قورعاۋشى كومپانيا اتالمىش تۋىندىنى پايدالانۋعا تىيىم سالۋ ءۇشىن شاعىمدانا الادى.

 - شاعىم ناقتى كىمگە قاتىستى، تەلەارناعا ما، بايقاۋعا ما؟

- ماعان ءبارىبىر. سوتقا شاعىم ءتۇسىرۋ مەحانيزىمى دە قىزىق ەمەس. ەگەر جاس ءانشى ەشكىمنەن رۇقسات سۇراماي، جازباشا سۇراۋ جىبەرمەي، ونەر جولىن وزگەنىڭ ءونىمىن ۇرلاۋمەن باستاسا، شاعىم كىمگە جاسالادى - ارتىسكە مە، تەلەكومپانياعا ما الدە بايقاۋعا ما؟ بۇل مەنى قىزىقتىرمايدى. بولاشاقتا ءارتىس بىرەۋدىڭ ون جىلعى ەڭبەگىن، ۆيتاستىڭ قىتايدا 2005 -جىلدان بەرى ورىنداپ جۇرگەن ءانىن پايدالانباي، ءوز رەپەرتۋارى بولادى دەگەن سەنىمدەمىن.

 - ياعني، ۆيتاستىڭ تۋىندىسىن ديماش قۇدايبەرگەن تەك قىتايدا عانا ەمەس، الەمنىڭ كەز كەلگەن ەلىندە ورىنداي المايدى دەگەن ءسوز بە؟

- بۇل زاڭدى ءارى تۇسىنىكتى شەشىم. ەگەر ۇرى پاتەرىڭىزگە ءتۇسىپ، تەلەديدارىڭىزدى اكەتىپ بارا جاتسا، وعان رۇقسات ەتەر مە ەدىڭىز؟ ارينە، رۇقسات ەتپەيسىز. بىردەن، پوليسياعا قوڭىراۋ شالىپ، ولار ونى تۇتقىنداپ، تەرگەۋگە الادى. بىرەۋدىڭ اۆتورلىق ءانىن ۇرلاعاندا دا جاعداي تۋرا سولاي. بۇل تۇرعىدا قىتايدىڭ تالابى دا قاتال، سوڭعى ۋاقىتتا مەملەكەتتە «فەيكتەرمەن» قاتاڭ كۇرەس ءجۇرىپ جاتىر. ال، قازىر ءبىزدىڭ كورىپ وتىرعانىمىز، فەيك وزگە ءارتىستىڭ ەڭبەگىمەن تۋعان تۋىندىنى پايدالانىپ، قىلمىستى تۇردە كورەرمەنگە پاش ەتۋدە، قاي ەلدە ەكەنى ماڭىزدى ەمەس. مەنىڭشە، بۇل ءوزىڭنىڭ «مەنىڭدى» جەرگە كومىپ، ءوز بولاشاعىڭا ءوزىڭ بالتا شاپقانمەن تەڭ. سەبەبى تالعامى وسىنداي ءانشى اركەز ەكىنشى سۇرىپتى فەيك، ارزانقولدى پيراتتىق ءونىم بوپ قالا بەرەدى.

- اۆتورلىق قۇقىقتار جونىندەگى قازاقستاندىق ساراپشىنىڭ پىكىرىنشە، ۆيتاس «وپەرا №2» ءانىن ورىنداعانى ءۇشىن تىكەلەي ديماشتىڭ ۇستىنەن شاعىم تۇسىرە المايدى. بۇل جونىندە نە ايتاسىز؟

- مەن ءسىز ايتقان ساراپشى اۆتورلىق قۇقىق پەن زياتكەرلىك مەنشىككە قول سۇعۋدىڭ نە ەكەنىن تۇسىنبەيدى دەپ ويلامايمىن، اسىرەسە قىتايدا. ءبىراق، ول قاتتى قاتەلەسەتىنى انىق. مەن ءارتىستى، ونىڭ تاربيەسىن، ساحنالىق تالعامىن ءسوز قىلعىم كەلمەيدى. بۇل ماعان قىزىق ەمەس، ءتىپتى، ءبارىبىر.

مەنىڭ ۇستانىمىم قاراپايىم. تەلەديدار ۇرلاعان سياقتى، بۇل دا ۇرلىق. كەز كەلگەن مامان بۇل پىكىرىمدى قولداۋى ءتيىس.

ەگەر ءوزىڭنىڭ جەكە ءان قورىڭدا ءانىڭ بولماسا، ءيميدجىڭ بولماسا، ۇرلىقتان باسقا امال جوق. بۇل ەندى قىلمىستىق ءىس. نە ۆيتاس، نە مەن بۇل ىسپەن اينالىسپايمىز، بۇنىمەن ەندى قىتايدا ۆيتاستىڭ زاڭدى مۇددەسىن قورعايتىن كومپانيا اينالىسادى.

ەستەرىڭىزگە سالا كەتەيىك، ديماش قۇدايبەرگەن «ى am singer-2017» بايقاۋىنىڭ ەكىنشى كەزەڭىندە ۆيتاستىڭ «وپەرا-2» ءانىن ورىنداعان بولاتىن. سوعان بايلانىستى ۆيتاستىڭ پروديۋسەرى ديماشتىڭ ۇستىنەن شاعىم تۇسىرگەن ەدى.

baq.kz