بۋحارەستتە ءجۇز مىڭعا جۋىق ادام ەرەۋىلگە شىقتى
ەلدەگى قوعام بەلسەندىلەرى قىلمىستىق كودەكستەگى وزگەرىستەر مەن راقىمشىلىق تۋرالى ۇكىمەتتىك زاڭنامالارعا قارسى ەرەۋىلگە شىعۋدا. پوليتسيانىڭ حابارلاۋىنشا، سارسەنبى كۇنى بۋحارەست كوشەلەرىنە ءجۇز مىڭعا جۋىق ادام شىققان: ەل استاناسىنان وزگە ءىرى قالالاردا دا نارازىلىق باسىلماي تۇر. پوليتسيامەن قاقتىعىسىپ، جارالانعاندار دا بار.
سونىمەن بىرگە، شەرۋشىلەر ۇزاق ءارى كۇردەلى كەلىسسوزدەردەن كەيىن ءبىر بۇرىن عانا جۇمىسىن باستاعان ۇكىمەتتىڭ وتستاۆكاعا كەتۋىن تالاپ ەتۋدە. «ءبىز ۇكىمەتتىڭ وتستاۆكاعا كەتكەنىن قالامايمىز - ولار داۋىس بەرۋشىلەرگە ۋادەنى ءۇيىپ- توككەن، مىقتى جوسپارلار قۇرعان، ەندى وسىنىڭ ءبارىن ورىنداعانىن قالايمىز»، - دەيدى نارازىلىق اكسياسىن قولداۋشىلار. قۇقىق قورعاۋ ورگاندارى جاعداي باقىلاۋدان شىعىپ كەتە مە دەپ قاۋىپتەنىپ وتىر. وسى تۇستا بۋحارەستتە جاپپاي تارتىپسىزدىك جاساعىسى كەلگەن جۇزدەگەن فۋتبول فاناتتارى ۇستالدى. پوليتسيا ولارعا بەلگىلى ءبىر كۇشتەردىڭ اقشا تولەگەنىن مالىمدەدى.
